TDSHUda “Аdabiy gurunglar” doirasidagi navbatdagi uchrashuv
TDSHU Sharq mamlakatlari adabiyoti va qiyosiy adabiyotshunoslik kafedrasi tomonidan 2021-yil 23-noyabrda “Аdabiy gurunglar” doirasidagi turkum suhbatlarning mehmoni taniqli o‘zbek adibi, adabiyotshunos olim Ulug‘bek Hamdam bilan ijodiy uchrashuv o‘tkazildi.
Mazkur uchrashuvda universitetning adabiyotshunos professor-oʼqituvchilari, tadqiqotchilar, magistrlar, talabalar ishtirok etdilar. Uchrashuv jarayoni Ulug‘bek Hamdam bilan professor-o‘qituvchilar o‘rtasida savol-javoblar, fikr-mulohazalar tarzida qiziqarli maroqli davom etdi.
Shuningdek, adibning ijodiy faoliyati haqida kafedra tomonidan tayyorlangan videolavha namoyish qilindi. Universitet o‘qituvchilari va talabalari tomonidan Ulug‘bek Hamdamning arab, fors, hind, yapon, afg‘on (dariy), koreys, ingliz tillariga tarjima qilingan she‘rlari o‘qib berildi.
Uchrashuv so‘ngida yozuvchi Ulug‘bek Hamdamga kafedra tomonidan adibning sharq tillariga tarjima qilingan she‘rlar kitobchasi va universitet olimlarining kitoblari sovg‘a qilindi.
TDSHU Matbuot xizmati
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
