Buyuk sarkarda va davlat arbobi Amir Temurning 689 yilligi munosabati bilan davra suhbati bo’lib o’tdi
Buyuk davlat arbobi, sarkarda va Temuriylar davlatining asoschisi Amir Temurning 689 yilligi munosabati bilan TDSHU Sharq Sivilizatsiyasi va falsafa fakulteti tomonidan tadbir tashkil etildi. Tadbirda talabalar, professor-o’qituvchilar va mehmonlar ishtirok etib, buyuk hukmdor merosiga hurmat bildirdilar.
Davra suhbati fakultet dekani, PhD, dotsent M.Askarovning tabrik so’zi bilan boshlanib, Temuriylar davrini o’rganishning Markaziy Osiyo tarixiy va madaniy rivojlanishidagi ahamiyatini alohida ta’kidladi.
Shuningdek, dotsent R.Alimova Temuriylar davridagi ayollarning roliga bag’ishlangan ma’ruzasida ayollarning siyosat, ta’lim va san’atga ta’siri haqida so’z yuritdi.
Tadbir so’nggida, Amir Temur hayoti va faoliyatiga bag’ishlangan tarixiy kitob asosidagi interaktiv viktorina g’oliblarini taqdirlash marosimi bo’lib o’tdi. G’olib talabalar tashkilotchilar tomonidan qimmatbaho sovg’alar va diplomlar bilan taqdirlandi.
TDSHU saytidagi ma'lumotlardan foydalanilganda, manbaga havola qilish majburiy.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
