Avestoshunoslik ilmiy tadqiqotlari markazi
 |
Markaz direktori: | ISXAKOV MIRSADIK MIRSULTANOVICH |
| Qabul vaqti: | Haftaning juma kuni 11:00 dan 13:00 gacha | |
| Tel: | +998990900801 | |
| e-mail: | mirsadikisxakov@tsuos.com |
Markaz haqida qisqacha ma’lumot:
Avestoshunoslik ilmiy tadqiqotlari markazi Oʻzbekiston Respublikasi Prezidentining 2020-yil 16-apreldagi PQ-4680-sonli “Sharqshunoslik sohasida kadrlar tayyorlash tizimini tubdan takomillashtirish va ilmiy salohiyatni oshirish chora-tadbirlari toʻgʻrisida”gi qarori hamda TDSHU Kengashining 2023-yil 30-avgustdagi 1-sonli majlisi qaroriga muvofiq tashkil etilgan.
Markazning asosiy maqsadi nafaqat Markaziy Osiyo va Oʻrta Sharq xalqlarining, balki insoniyat maʼnaviy mulki sifatida baholanayotgan Avesto va uni oʻrganish boʻyicha jahon avestoshunosligda hozirgi vaqtgacha yechimini topmagan koʻp sonli muammolaridan kelib chiqib, Avesto va zardushtiylikni tadqiq etishning eng dolzarb jihatlarini belgilash, bu yoʻnalishda izlanishlarni jahon avestoshunoslik harakati bilan uygʻunligi va muvofiqligi darajasini taʼminlash, Respublikada bu sohadagi tadqiqotlarni muvofiqlashtirish, ilmiy natijalarni gumanitar taʼlim jarayonlariga hamda ezgulik gʻoyalarini targʻib etish orqali jamiyatning maʼnaviy yuksalishiga xizmat qildirish boʻyicha tavsiyalar berish, monografik tadqiqotlar, zarur oʻquv adabiyotlari yaratish, fan va taʼlim integratsiyasini yanada chuqurlashtirish, ish natijalarini Respublikada olib borilayotgan keng koʻlamli islohotlar hamda uchinchi renessans poydevorini yaratish boʻyicha strategik vazifalar ijrosini taʼminlashda faol ishtirok etishga yoʻnaltirish, xalqimiz va ayniqsa, yosh avlod ongiga milliy qadriyatlarini chuqur singdirishdan iborat.
Markaz vazifalari
- Zardushtiylik (Mazda yasna) dinining shakllanishiga olib kelgan tarixiy, ijtimoiy, maʼnaviy, maʼrifiy, madaniy zaruriyatni keng va chuqur oʻrganish; – Avestoshunoslik va zardushtiylik tarixining soʻnggi 30 yillik davri istoriografik tahlilini yaratish, masalaning istiqbollarini belgilash;
- Zardushtning shaxsi masalasi va u keltirgan paygʻomning fenomenal mohiyati;
- Zardushtiylikning ontogenezi, zamon, makon, ijtimoiy yoʻnaltirilgan gʻoyalari tahlili;
- Zardushtiylikning insoniyat dinlari tarixidagi oʻrni masalasini jahon dinlari, milliy va mahalliy dinlar bilan qiyosiy tahlil asosida ochib berish;
- Zardushtiylik – ezgulikni targʻib qilish va yovuzlikning har qanday koʻrinishlariga qarshi murosasiz kurash gʻoyalarining ilk favqulodda universal ifodasi;
- Zardushtiylikda yovuzlikka qarshi kurashning umumbashariy muammo sifatidagi talqini;
- Zardushtiylikda makon va zamon masalasining obyektiv yechimini topish;
- Zardushtning paygʻambarlik missiyasining tarixiy asoslari va bu masalaning Avestoda aks etishi: tadqiq va talqin;
- Zardushiylikda kultlarning tarixiy mifologik asoslarini oʻrganish va ularning diniy tizimga aylanish mexanizmlari tadqiqini amalga oshirish;
- Avestoda monoteizm gʻoyasi, dualizm va politeizm masalalarining qatlamli xususiyatini asoslovchi talqin metodologiyasini rivojlantirish;
- Zardushtiylikda insonning yuksak maqomi va uning ijtimoiy mohiyati, ezgulik gʻalabasi uchun individual masʼuliyati masalasini keng yoritish;
- Avestoshunoslik va zardushtiylik tarixining soʻnggi 30 yillik davri istoriografik tahlilini yaratish va masalaning istiqbollarini belgilash;
- Avestoning germenevtik talqiniy yondashuv asosidagi oʻzbek tiliga tarjimasini tayyorlash va nashr etish;
- Avesto qismlari (nasxlari)ning oʻzbek tiliga izohli tarjimalari maʼnaviyat tariximiz manbalari sifatida ommaviy nashrlarini amalga oshirib borish;
- Jahon avestoshunoslik markazlari bilan aloqa oʻrnatish, birgalikda loyihalar ishlab chiqish va amalga oshirish
- Zardushtiylik va Avestoning falsafiy talqini masalalarida tadqiqotlarni yangi darajalarga koʻtarish ;
- Zardushtiylikning ijtimoiy antropologik talqini;
- Zardushtiylik anʼanalarining etno-madaniy jarayonlarda amal qilish dinamikasi, transformatsion hamda degradatsion jarayonlar tadqiqotini tashkil etish;
- Avestoshunoslik masalalari boʻyicha davra suhbatlari, masofaviy va makoniy konferensiyalar rejalashtirish va ularda chet ellik olimlar ishtirokini taʼminlash;
- Markazning ilmiy tadqiqotlari doirasida avestologiyaning turli yoʻnalishlari boʻyicha rejalashtirilgan monografiyalar, darsliklar, oʻquv qoʻllanmalari va tarjimalarni oʻquv jarayoniga hamda universitet maʼnaviy-maʼrifiy ishlarini rivojlantirishga keng jalb etish;
- Markaz qoshida “Yosh avestoshunoslar”, “Yosh olimlar” toʻgaraklarini tashkil etish va avestologiyaning dolzarb, zamonaviy muammolari bilan talabalarni tanishtirish, ularni ilmiy izlanuvchilikka yoʻnaltirish;
- Markaz oʻz faoliyati doirasida bakalavriat, magistratura, stajer-tadqiqotchi-izlanuvchilik, tayanch doktorantura va doktorantura maqomidagi izlanuvchilarga ularning soha bilan qiziqishlari darajasida ilmiy maslahatchilik funksiyasini ham amalga oshiradi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
