Global hamkorlik va akademik tarmoqlarni kengaytirish orqali barqaror rivojlanish
2025-yilda Toshkent davlat sharqshunoslik universitetida xalqaro hamkorlikni rivojlantirishga qaratilgan keng ko‘lamli tashabbuslar amalga oshirildi. Xususan, 2025-yil 7-yanvar kuni Bangladeshning O‘zbekistondagi Favqulodda va Muxtor Elchisi Mohammad Monirul Islam tashrifi davomida ikki tomonlama ta’lim, ilm-fan va madaniy aloqalarni kengaytirish, jumladan, professor-o‘qituvchilar va talabalar almashinuvi, qo‘shma tadqiqotlar hamda yangi ta’lim dasturlarini yo‘lga qo‘yish masalalari muhokama qilindi
Shuningdek, 2025-yil 7-fevral kuni Ozarbayjon Madaniyat Markazi direktori Akif Marifli tashrifi doirasida madaniy-diplomatik hamkorlikni rivojlantirish, til va madaniyat markazlari faoliyatini kengaytirish masalalariga alohida e’tibor qaratildi.
Universitetda o‘tkazilgan 16-xalqaro ilmiy anjuman, “O‘zbekiston–Koreya” ilmiy-amaliy konferensiyasi, shuningdek, Xitoy, Yaponiya, Hindiston va boshqa davlatlar bilan o‘tkazilgan onlayn uchrashuvlar ilmiy bilim almashinuvi va akademik mobilitetni kuchaytirishga xizmat qildi. Bunday tadbirlar doirasida zamonaviy ta’lim metodologiyalari, innovatsion yondashuvlar va qo‘shma ilmiy loyihalar muhokama qilinib, xalqaro ilmiy integratsiya yanada chuqurlashtirildi
Mazkur tashabbuslar Sustainable Development Goal 17 doirasida global sheriklikni mustahkamlash, ta’lim va ilm-fan sohasida xalqaro integratsiyani rivojlantirish hamda barqaror rivojlanish maqsadlariga erishishda muhim omil sifatida namoyon bo‘ladi.
Ijtimoiy tarmoqlar:
