Oʻzbekistonning boy madaniy merosi, ilm-fan va turizm salohiyati xalqaro miqyosda targʻib etildi
Oʻzbekiston Respublikasi Oliy taʼlim, fan va innovatsiyalar vazirligi, Madaniyat vazirligi, Toshkent davlat sharqshunoslik universiteti hamda Oʻzbekiston Respublikasining Saudiya Arabistonidagi elchixonasi hamkorligida “O‘zbekiston – jahon merosining nodir o‘chog‘i” nomli muhim xalqaro madaniy-maʼrifiy tadbir oʻtkazildi.
Anjuman 2025-yilda Samarqandda boʻlib oʻtadigan YUNESKO Bosh konferensiyasining 43-sessiyasiga bagʻishlanib, 18-fevral kuni Oʻzbekiston Respublikasining Saudiya Arabistonidagi elchixonasida oʻtkazildi. Tadbir doirasida Oʻzbekistonning madaniy va ilmiy merosi, tarixiy obidalari va turistik imkoniyatlari taqdim etildi.
Madaniy qismda “Nurafshon” ashula va raqs ansambli tomonidan milliy kuy-qoʻshiqlar ijro etildi, shuningdek, YUNESKO Reprezentativ roʻyxatiga kiritilgan palov tayyorlash anʼanasi namoyish etildi.
Tadbir ishtirokchilarda katta taassurot qoldirdi. Saudiya Arabistonining “Rasana” xalqaro Eronshunoslik institutining Ilmiy tadqiqotlar boʻyicha direktori Ahmed al-Maymuniy Oʻzbekistonning madaniy salohiyatini yuqori baholab, bunday tadbirlar ikki mamlakat oʻrtasidagi madaniy aloqalarni rivojlantirishda muhim ahamiyat kasb etishini taʼkidladi.
Tadbir Oʻzbekistonning jahon madaniy merosidagi oʻrnini yana bir bor namoyon etib, xalqaro hamkorlikni mustahkamlashga xizmat qiladi.
TDSHU saytidagi ma'lumotlardan foydalanilganda, manbaga havola qilish majburiy.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
