TDSHUda “Universitetda Mehnat muhofazasi: xavfsiz ish muhiti” mavzusida seminar-trening bo‘lib o‘tdi
2025-yil 2-iyul kuni TDSHUda Kasaba uyushmasi hamda Fuqaro va mehnat muhofazasi bo‘limi bilan hamkorlikda universitet ishchi xodimlari uchun “Universitetda Mehnat muhofazasi: xavfsiz ish muhiti” mavzusida seminar-trening bo‘lib o‘tdi.
Unda kasaba uyushmasi raisi Ch.Qodirov, Fuqaro va mehnat muhofazasi bo‘lim boshlig‘i Sh.Jo‘rayev, bo‘lim muhandisi G.Habibullayeva ishtirok etib, yig‘ilganlarga ish joyidagi xavfsizlik qoidalari, mehnat muhofazasi standartlari, sog‘liqni saqlash tadbirlari, mehnat muhofazasining ahamiyati, ish faoliyatlari davomida xavfsizlik choralariga amal qilish to‘g‘risida kengroq ma’lumotlar berildi.
Shuningdek, ishchi-xodimlar O‘zbekiston Respublikasi qonunchiligidagi mehnat muhofazasi bilan bog‘liq qator me’yoriy hujjatlar bilan tanishtirildi. Qonunchilikda belgilangan huquq va majburuyatlari to‘g‘risida batafsil ma’lumotlarga ega bo‘ldilar. Zero, xavfsiz mehnat sharoitlarining yaratilishi ish faoliyati davomida baxtsiz hodisalarning oldini olishga yordam beradi.
Ijtimoiy tarmoqlar:
