TOSHKENT DAVLAT SHARQSHUNOSLIK UNIVERSITETI HUZURIDAGI SHARQ MAMLAKATLARINING RIVOJLANISHINI TADQIQ ETISH ILMIY-TAHLIL MARKAZI
 |
Markaz direktori | ALIMOV OQILIDDIN ISAMUTDINOVICH |
| Qabul vaqti: | Xar kuni (12:00-16:00) | |
| Tel: | +998 90 326-72-67 | |
| e-mail: | oqliddin_alimov@tsuos.uz |
Markazning vazifalari
– Sharq mamlakatlari tarixi, rivojlanish bosqichlari, ijtimoiy-siyosiy, iqtisodiy taraqqiyoti xususiyatlari va rivojlanish modellarini kompleks tadqiq etish, O‘zbekiston Respublikasining Sharq davlatlari bilan o‘zaro munosabatlarini rivojlantirish nuqtai nazaridan o‘rganish;
– Siyosiy tadqiqotlar yo‘nalishida analitikani ta’lim jarayoni, ishlab chiqarish bilan hamohang olib borish, uning natijalarini ta’lim jarayoniga, ishlab chiqarishga bevosita qo‘llash orqali O‘zbekiston Respublikasining Sharq davlatlari bilan o‘zaro hamkorligining bugungi holati va rivojlantirish muammolari va istiqbollarini tizimli o‘rganish va bu borada materiallar tayyorlash;
– Yaqin, O‘rta va Uzoq Sharq mintaqalaridagi O‘zbekiston uchun strategik ahamiyatga molik davlatlardagi ijtimoiy-siyosiy, iqtisodiy jarayonlarni, muammolarini, rivojlanish tendensiyalarini tahlil etish, ikki va ko‘ptomonlama aloqalarni rivojlantirish, davlat va jamoat tashkilotlari, biznes sohasi uchun yangi imkoniyatlarni izlab topish bo‘yicha ilmiy asoslangan tavsiya va takliflar ishlab chiqish;
– Sharq davlatlaridagi ijtimoiy-iqtisodiy vaziyatni, tashqi siyosatidagi umumiylik va o‘ziga xoslikni o‘rganish, tashqi siyosati shakllanishining tarixiy, iqtisodiy jihatlarini tahlil qilish, tashqi siyosiy strategiyasi belgilab olinishidagi mexanizmlar, konsepsiyalar, doktrinalar, hujjatlar ijtimoiy, iqtisodiy ko‘rsatkichlar va rivojlanish tendensiyalarini ochib berish;
– Hozirgi zamon xalqaro munosabatlarida Sharq va G‘arb konsepsiyasining o‘ziga xos jihatlari va rivojlanish tendensiyalarini o‘rganish, Sharq davlatlarining o‘zaro munosabatlari shakllanish tendensiyalari va rivojlanishga ta’sir etgan omillar, shart-sharoitlarni atroflicha tadqiq etish;
– Xalqaro munosabatlar va tashqi siyosatni tadqiq, tahlil eta oladigan sharqshunos mutaxassislarning yangi avlodini shakllantirishda faol ishtirok etish;
– Sharq mamlakatlaridagi ijtimoiy-iqtisodiy siyosiy jarayonlarni mamlakatshunoslik nuqtai nazaridan o‘rganib borish asosida ularning imkoniyatlaridan, shart-sharoitlaridan iqtisodiyotni rivojlantirish, fuqarolar uchun zarur afzalliklarni yaratish, ikki tomonlama va ko‘ptomonlama hamkorlikni yangi qirralarini izlash bo‘yicha manfaatdor davlat tashkilotlari, turli tashkilotlar, ishlab chiqarish sub’ektlari uchun ilmiy tahliliy ishlanmalarni tayyorlash;
– Markaziy Osiyoda shakllanib tobora rivojlanib borayotgan yangi siyosiy reallikni kuzatib borish, vujudga kelayotgan va paydo bo‘lishi mumkin bo‘lgan muammolar, tahdidlarni aniqlash va rivojlanish jarayonlarini boshqaruvchi bevosita yaqin va uzoq kelajakka mo‘ljallangan “Konsepsiyalar”, “Strategiyalar” ishlab chiqish;
– Tashqi siyosatdagi yangi vazifalar, ustuvor yo‘nalishlarning yangi jihatlari, omillari, muammolari va shart-sharoitlari, shuningdek, Sharq-G‘arb kesishmasida milliy manfaatlarni himoyalashning zamonaviy usullari va mexanizmlarini ishlab chiqish va amalga oshirish modellarini aniqlash;
– Iqtidorli talabalar, magistrantlar, doktorantlar bilan birgalikda startap, innovasion loyihalar ishlab chiqish, O‘zbekiston Respublikasi Fanlar akademiyasi ilmiy tadqiqot muassasalari bilan yaqin hamkorlik o‘rnatish, ilmiy seminarlar va loyihalar taqdimotlarini o‘tkazish.
Markaz unga yuklatilgan vazifalarga muvofiq quyidagi vazifalarni amalga oshiradi:
– Universitet ilmiy tadqiqot ishlari hamda markazning ish rejasidan kelib chiqib, tadqiqot ishlarini amalga oshiradi;
– Xalqaro munosabatlar va tashqi siyosatning dolzarb masalalari hamda iqtisodiy, madaniy jarayonlarning bugungi holati bo‘yicha seminarlar, davra suhbatlari, konferensiyalar tashkil etadi;
– Universitetning va Markazining tasdiqlangan rejasi asosida tadqiqot natijalarini kenga jamoatchilikka yetkazish uchun tahliliy maqolalar, tahliliy ma’ruzalar tayyorlaydi;
– Xorijiy mutaxassislar bilan hamkorlikda o‘quv kurslarini, o‘quv adabiyotlarini tayyorlashda ishtirok etadi;
– Universitet maqsadi va vazifalariga zid kelmaydigan boshqa tahliliy loyihalarda ishtirok etadi;
– Markaz ishini tashkil etishga universitet professor-o‘qituvchilari, talabalari, tadqiqotchilari, magistrlarini, shuningdek, davlat boshqaruv organlarining xodimlari, tahliliy markazlarning, ilmiy muassasalarning vakillari, xorijiy davlatlarning mutaxassislarini jalb etadi;
– Universitet tomonidan tashqi siyosat va xalkaro siyosat, iqtisodiy va madaniy sohalar bo‘yicha amalga oshiriladigan bitiruv malakaviy ishlar, magistrlik va doktorlik dissertatsiyalari hamda turli ilmiy tadqiqotlar, tahliliy loyihalarni kafedralar bilan hamkorlikda muvofiqlashtiradi;
– Universitet ilmiy tadqiqot ishlariga ilmiy-uslubiy va metodologik yordam berish, tashqi siyosat va xalqaro munosabatlar bo‘yicha ilmiy, tahliliy tadqiqotlar o‘tkazishning ilg‘or xorijiy tajribalarini o‘rganish va tadbiq etish bo‘yicha takliflar ishlab chiqadi;
– Sharq mamlakatlaridagi xalqaro munosabatlarning turli yo‘nalishlari bo‘yicha tahliliy materialar tayyorlaydi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
