Toshkent davlat sharqshunoslik universiteti tarkibidagi Ta’lim sifatini nazorat qilish bo‘limi
 |
MAXKAMOVA SAIDA XAFIZOVNA |
|
| Ilmiy darajasi va unvoni: | Pedagogika fanlari nomzodi | |
| Lavozimi: | Bo’lim boshlig’i | |
| Qabul vaqtlari: | Har kuni (11:00-13:00) | |
| Tel.: | +998 99 844 33 16 | |
| E-mail: | saida_maxkamova@tsuos.uz | |
Toshkent davlat sharqshunoslik universiteti tarkibidagi ta’lim sifatini nazorat qilish bo‘limi to‘g‘risida
Mazkur Nizom Oliy ta’lim, fan va innovatsiyalar vazirligi yig‘ilishining 2023-yil 10-fevraldagi 2-son bayoni 6.3-bandi hamda Oliy ta’lim, fan va innovatsiyalar vazirining 2023-yil 27-martdagi “Davlat oliy ta’lim muassasalarida Ta’lim sifatini nazorat qilish bo‘limlari faoliyatini takomillashtirish to‘g‘risida”gi 72-sonli buyrug‘i bilan tasdiqlangan buyruqqa muvofiq ishlab chiqilgan bo‘lib, u Toshkent davlat sharqshunoslik universiteti tarkibidagi Ta’lim sifatini nazorat qilish bo‘limi maqomi, asosiy maqsadi, vazifalari, huquqlari va majburiyatlari, shuningdek faoliyatini tashkil etish tartibini belgilaydi.
Maqsadi
Bo‘limning asosiy maqsadi universitet talabalari bilimlarining davlat ta’lim standartlariga muvofiqligini o‘rganib borish, tahlil qilish, kadrlar tayyorlash sifati monitoringini yuritish, universitet ichki attestatsiyadan o‘tkazishni tashkil etish va uning natijalari bo‘yicha ta’lim sifatiga salbiy ta’sir etuvchi omillarni aniqlash hamda ularni bartaraf etish va oldini olish choralarini ko‘rishdan iborat.
Bo‘lim haqida
Bo‘lim o‘z faoliyatini O‘zbekiston Respublikasi Konstitutsiyasi, O‘zbekiston Respublikasining “Ta’lim to‘g‘risida”gi qonuni, O‘zbekiston Respublikasi Oliy Majlisining palatalari qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasi qarorlari va farmoyishlari, Oliy ta’lim, fan va innovatsiyalar vazirligi hamda universitet rektorining buyruqlari va qonuniy ko‘rsatmalariga, shuningdek Bo‘lim to‘g‘risidagi Nizomga muvofiq ish faoliyatini olib boradi.
Universitetning tashkiliy tuzilmasida Ta’lim sifatini nazorat qilish bo‘limi bevosita universitet rektoriga bo‘ysunadi va mazkur bo‘lim faoliyatiga prorektor, dekan va tarkibiy bo‘linmalar rahbarlarining aralashuviga yo‘l qo‘yilmaydi.
BO‘LIMNING ASOSIY VAZIFALARI
- Optimizatsiya, transformatsiya va xalqarolashtirish jarayonlarini izchil amalga oshirish, ta’lim sifatini yanada takomillashtirish;
- Ta’lim sifatini ta’minlay oladigan professor-o‘qituvchilar tarkibini shakllantirish, jumladan salohiyatli o‘qituvchilarni tanlash, ishga qabul qilish, ularning kasbiy mahorati va malakasini oshirish imkonini beradigan (obyektiv) shaffof tashkiliy mexanizmlarni yaratish;
- O‘quv jarayonini normativ-huquqiy hujjatlarda belgilangan talablar asosida to‘g‘ri tashkil etilganligi va HEMIS, MOODLE tizimlaridan foydalanish samaradorligini o‘rganib borish (jumladan, axborot tizimiga ma’lumotlarni o‘z vaqtida va to‘liq hajmda kiritilganligi, kredit-modul tizimini talab darajasida tashkil etilganligi);
- O‘quv mashg‘ulotlarini zamonaviy pedagogik texnologiyalar va axborot texnologiyalari asosida tashkil etilganligi, dars jarayonlari sifatining nazorati talab darajasida yo‘lga qo‘yilganligini o‘rganib borish va boshqalar.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
