Barqaror atrof-muhit
TDSHU BARQARORLIK NIZOMI
- Kirish
TDSHU oliy ta’lim muassasasi sifatida iqlim o‘zgarishiga qarshi kurash va barqaror rivojlanishni ilgari surish muhim ahamiyatga ega ekanligini tan oladi. Ushbu nizom TDSHUning resurslardan mas’uliyatli foydalanish, karbonat angidrid gazini (CO2) kamaytirish, barqaror investitsiyalarni rivojlantirish hamda tadqiqot, ta’lim jarayonlarida atrof-muhitga zarar yetkazmaydigan amaliyotlarni joriy etish borasidagi majburiyatini belgilaydi.
- Strategik yo‘nalish va maqsad
TDSHU barqarorlik bo‘yicha strategik yo‘nalishi – Markaziy Osiyoda ekologik yetakchilik va barqaror innovatsiyalar bo‘yicha ilg‘or muassasaga aylanish. Maqsadlar quyidagilardan iborat:
- Issiqxona gazlari (GHG) chiqindilarini kamaytirish va energiya samaradorligini oshirish;
- Barqaror investitsiya strategiyalarini ishlab chiqish;
- Barqarorlik bo‘yicha tadqiqot va ta’limni rivojlantirish;
- Mahalliy va global hamjamiyatlar bilan barqarorlik tashabbuslari bo‘yicha hamkorlik qilish.
- Iqlim o‘zgarishi va CO2 boshqaruvi
- Energiya samaradorligini oshirish va qayta tiklanadigan energiya manbalariga investitsiya kiritish;
- Inson faoliyati natijasida ajralib chiquvchi CO2ni monitoring qilish, yillik baholash va natijalarni e’lon qilish.
- Barqaror investitsiya siyosati
TDSHU ekologik, ijtimoiy va korporativ boshqaruv tamoyillariga mos keladigan investitsiya amaliyotlarini eng muhim prioritet sifatida ko‘radi. Xususan:
- Qayta tiklanadigan energiya va yashil texnologiyalarga investitsiya kiritishni ustuvor yo‘nalishga aylantirish;
- Atrof-muhitga jiddiy zarar yetkazadigan sohalarga investitsiya kiritishdan tiyilish;
- Investitsiya qarorlarida shaffoflik va hisobdorlikni ta’minlash;
- Barqaror investitsiya qadriyatlariga ega moliyaviy hamkorlar bilan birga ishlash.
6. Ta’lim va tadqiqotlardagi barqarorlik
- Barqarorlik mavzularini barcha fanlar bo‘yicha o‘quv dasturlariga integratsiya qilish;
- Joriy iqlimga moslashuvchanlik va barqaror rivojlanish bo‘yicha tadqiqot tashabbuslarini qo‘llab-quvvatlash;
- Talabalar tomonidan barqarorlik loyihalari va innovatsiyalarini rag‘batlantirish.
7. Chiqindilar va resurslarni boshqarish
- Qayta ishlash dasturlarini o‘z ichiga olgan chiqindilarni kamaytirish strategiyalarini ishlab chiqish;
- Bir martalik plastiklardan foydalanishni kamaytirish va mas’uliyatli iste’molni targ‘ib qilish.
8. Jamiyat bilan hamkorlik va insonlarni jalb etish
- Davlat va nodavlat hamda xususiy sektor tashkilotlari bilan barqarorlik tashabbuslari bo‘yicha hamkorlik qilish;
- Talabalar va professor-o‘qituvchilarning iqlim himoyasi va jamoatchilik loyihalarida ishtirok etishini rag‘batlantirish;
- Barqarorlik bo‘yicha konferensiyalar, seminarlar va “xabardorlik” kampaniyalarini o‘tkazish.
9. Boshqaruv va amaliyot
- Barqarorlik bo‘yicha mas’ul xodimlarni tayinlash, jarayonlarni nazorat qilish va nizomga rioya etilishini ta’minlash;
- Barqarorlik bo‘yicha nizomni doimiy ravishda qayta ko‘rib chiqish va yangilash.
10. Hisobot berish va hisobdorlik
- Barqarorlik bo‘yicha yillik hisobotni e’lon qilish;
- Barqarorlik harakatlarini BMTning Barqaror rivojlanish maqsadlari kabi xalqaro tizimlarga muvofiqlashtirish;
- Barqarorlik tashabbuslarini yaxshilash uchun manfaatdor tomonlar va jamoatchilik fikr-mulohazalarini rag‘batlantirish.
Xulosa
TDSHU barqarorlik tamoyillarini universitetning barcha faoliyat yo‘nalishlari, jumladan, tadqiqot ishlari va jamiyat bilan hamkorlik jarayonlariga chuqur singdirishga intiladi. Ushbu nizomni qabul qilish orqali TDSHU uzoq muddatli ekologik mas’uliyatni o‘z zimmamizga oladi hamda muassasa ichida va undan tashqarida barqarorlik madaniyatini shakllantirishga sodiq qoladi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
