Qo’shma ta’lim dasturlari
Toshkent davlat sharqshunoslik universitetining 2020/2021 o‘quv yili qabuli uchun xorijiy oliy taʼlim muassasalari bilan hamkorlikda qo‘shma taʼlim dasturlari asosida kadrlar tayyorlash bo‘yicha to‘lov-kontrakt asosida qabul ko‘rsatkichlari tasdiqlandi
BAKALAVRIAT QO‘SHMA TA’LIM DASTURI
Koreya Respublikasining Sangmyong universiteti bilan hamkorlikdagi bakalavriatning 5120104 Filologiya va tillarni o‘qitish:koreys tili ta’lim yo‘nalishida o‘qish muddati 4 YIL:
- 2 YIL – Toshkent davlat sharqshunoslik universitetida (ta’lim tili -o‘zbek tili)
- 2 YIL – Sangmyong universitetida (ta’lim tili – koreys tili)
BITIRUVCHILARGA HAR IKKALA UNIVERSITETNING DIPLOMLARI BERILADI.
Ta’lim jarayoni faqat to‘lov-shartnoma asosida amalga oshiriladi. Dars mashg‘ulotlari O‘zbekiston va Koreya Respublikasining yetakchi professor-o‘qituvchilari tomonidan kredit-modul tizimi asosida olib boriladi.
Toshkent davlat sharqshunoslik universitetidagi ta’lim jarayoni uchun
BIR YILLIK TO‘LOV-SHARTNOMA MIQDORI
- 20.379.900 SO‘M
Sangmyong universitetidagi ta’lim jarayoni uchun
TO‘LOV-SHARTNOMA MIQDORI
- BIRINCHI O‘QUV YILI UCHUN 4800 AQSh DOLLARI
- IKKINCHI O‘QUV YILI UCHUN 5800 AQSh DOLLARI
Sangmyong universitetida ta’lim olish jarayonida talaba semestrni a’lo baholarga tamomlaganda keyingi semestrda unga stipendiya beriladi. Yotoqxona, transport, sog‘lik sug‘urtasi va kundalik turmush bilan bog‘liq sarf-harajatlar talabalarning hisobidan qoplanadi.
TOPSHIRILADIGAN HUJJATLAR
Mazkur qo‘shma ta’lim dasturida o‘qishni istagan abituriyentlar 05.08.2020 DAN 25.08.2020 GACHA o‘zlarining quyidagi hujjatlarini Toshkent davlat sharqshunoslik universitetining rasmiy veb-sayti tsuos.uz orqali onlayn topshirishlari mumkin:
- Pasportning skaner nusxasi(yashash joyi haqidagi ma’lumot yozilgan sahifasi bilan)
- O‘rta maktab, litsey yoki kollejni tugatganligi haqidagi hujjatning(attestat yoki diplom) skaner nusxasi
- Agar bo‘lsa koreys tilini bilish haqidagi sertifikatning skaner nusxasi (tegishli darajaga ega bo‘lgan abituriyentlar imtihonsiz qabul qilinadi)
KIRISH IMTIHONLARI
1.Abituriyentlar faqat koreys tilidan 100 ballik tizim asosida 50 ta test bo‘yicha kirish imtihoni topshiradilar.
2.Talabgorlardan tushgan arizalar va imtihonni muvaffaqiyatli topshirganlar sonidan kelib chiqib qabul kvotalarini oshirish imkoniyatlari mavjud.
MAGISTRATURA MUTAXASSISLIGI
Hindistonning Gujarat universiteti bilan hamkorlikdagi magistraturaning 5A12102 Lingvistika: hind tili mutaxassisligida
o‘qish muddati 2 YIL:
- 1 YIL – Toshkent davlat sharqshunoslik universitetida(ta’lim tili -o‘zbek tili)
- 1 YIL – Gujarat universitetida (ta’lim tillari – hind va ingliz tili)
BITIRUVCHILARGA HAR IKKALA UNIVERSITETNING DIPLOMLARI BERILADI.
Ta’lim jarayoni faqat to‘lov-shartnoma asosida amalga oshiriladi. Dars mashg‘ulotlari O‘zbekiston va Hindistonning yetakchi professor-o‘qituvchilari tomonidan kredit-modul tizimi asosida olib boriladi. Toshkent davlat sharqshunoslik universitetidaga ta’lim jarayoni uchun bir yillik to‘lov-shartnoma miqdori:
- 10 189 950 SO‘M
Gujarat universitetidagi ta’lim jarayoni uchun bir yillik to‘lov-shartnoma miqdori:
- 750 AQSH DOLLARI
Gujarat universitetida ta’lim olish jarayonida talabalar Hindiston oliy ta’lim muassasalarida ta’lim olayotgan xorijlik talabalar uchun belgilangan barcha shart-sharoitlardan (zarur maishiy sharoitlarga ega yotoqxona, universitet kutubxonasi va professor-o‘qituvchilarning bepul maslahatlari va rahbarliklari) to‘liq foydalanadilar. Yotoqxona (imtiyozli narxda), transport, sog‘lik sug‘urtasi va kundalik turmush bilan bog‘liq sarf-harajatlar talabalarning hisobidan qoplanadi.
TOPSHIRILADIGAN HUJJATLAR
Mazkur qo‘shma ta’lim dasturida o‘qishni istagan bakalavr yoki oliy ma’lumotli mutaxassislar 05.08.2020 DAN 25.08.2020 GAChA o‘zlarining quyidagi hujjatlarini Toshkent davlat sharqshunoslik universitetining rasmiy veb-sayti tsuos.uz orqali onlayn topshirishlari mumkin:
- Pasportning skaner nusxasi(yashash joyi haqidagi ma’lumot yozilgan sahifasi bilan)
- Bakalavrlik(oliy ma’lumot) diplomining skaner nusxasi
- Agar bo‘lsa hind tilini bilish haqidagi sertifikatning skaner nusxasi(tegishli darajaga ega bo‘lgan abituriyentlar imtihonsiz qabul qilinadi)
KIRISH IMTIHONLARI
1.Abituriyentlar faqat hind tilidan 100 ballik tizim asosida 50ta test bo‘yicha kirish imtihoni topshiradilar.
2.Talabgorlardan tushgan arizalar va imtihonni muvaffaqiyatli topshirganlar sonidan kelib chiqib qabul kvotalarini oshirish imkoniyatlari mavjud.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
Spelling error report
The following text will be sent to our editors: