Uch tilda master-klass: Global axborot makonda keng fikrlash strategiyalari
Toshkent davlat sharqshunoslik universitetida O’zbekiston Respublikasi oliy va o’rta maxsus ta’lim vazirligining axborot xizmati rahbari, siyosiy fanlar doktori Sardor Usmanovdan TDSHU talabalari uchun “Global axborot makonida keng fikrlash strategiyalari” mavzusidagi mahorat darsi bo’lib o’tdi.
Mahorat darsini universitet rektori Rixsiyeva Gulchehra Shavkatovna kirish so’zi bilan ochib berib, O’zbekiston Respublikasi oliy va o’rta maxsus ta’lim vazirligining axborot xizmati rahbari Sardor Usmanovning bugunga qadar erishgan yutuqlari, qolaversa siyosiy fanlar doktori, xalqaro tajribaga ega bo’lgan yetuk mutaxassis ekanligi haqida aytib talabalarni tanishtirdi.
Qiziqarli va savol javoblarga boy bo’lgan mahorat darsi davomida Sardor Usmanov bugungi kunda axborot xizmatiga katta e’tibor qaratilayotgani va uning asosiy vazifalaridan biri tashkilotning jamoatchilik bilan aloqalarini rivojlantirishdan iboratligi haqida ma’lumot berdi.
❗️ “Ushbu sohada uning siru-sinoatlaridan boxabar jurnalistlar faoliyat ko‘rsatib, ular ham OAV xodimlari kabi asosan axborot to‘plash va tarqatish bilan shug‘ullanishi kerak. Axborot xizmati xodimi o‘qimishli bo‘lishi zarur. Ya’ni, aytmoqchi, yozmoqchi bo‘lgan har bir fikrini avvalo ishonchli manbalardan o‘qib-o‘rganishi maqsadga muvofiqdir. Agar global axborot makonida passiv kuzatuvchi emas, balki faol va ta’sirchan ishtirokchi bo’lish niyatingiz bo’lsa, albatta, strategik darajada fikrlab, proaktiv tashabbuslar ilgari sura olishingiz zarur bo’ladi”- deya takidladi S. Usmanov.
Master-klassning eng noananaviy jihati 3 (O’zbek, rus va ingliz) tilda o’tkazilgani bo’ldi.
👉 https://yuz.uz/ru/news/strategii-masshtabnogo-mshleniya-v-globalnom-informatsionnom-prostranstve
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
