Kitob mutolaasi doirasida o‘tkazilgan davra suhbati
Toshkent davlat sharqshunoslik institutida O‘zbekiston Respublikasi Prezidentining 2017-yil 12-yanvardagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha Komissiya tuzish to‘g‘risida”gi farmoyishi ijrosi yuzasidan Respublikaning ko‘zga ko‘ringan shoir, olim va madaniyat xodimlari ishtirokida davra suhbati bo‘lib o‘tdi.
Davra suhbatida taniqli notiq, Toshkent viloyati xalq ta’limi xodimlarini qayta tayyorlash va ularning malakasini oshirish instituti katta o‘qituvchisi Rahim Jumaniyozov, shoir va huquqshunos Xol Muhammad Hasan hamda shoira Ozoda Bekmurodovalar, shuningdek, TDSHI professor-o‘qituvchilari va talaba-yoshlari ishtirok etdilar. Shoir, adiblarning TDSHI professor-o‘qituvchilari, talabalari bilan bo‘lgan uchrashuvda kitobxonlik, kitob o‘qish san’ati, ilmning, ma’rifatning inson hayotidagi o‘rni haqida suhbat olib borildi.
Taniqli notiq Rahim Jumaniyozov, shoira Ozoda Bekmurodova va shoir va huquqshunos Xol Muhammad Hasan o‘z so‘zlarida kitob o‘qishning zarurati, badiiy adabiyotning inson ongiga ta’siri, bu haqdagi sharq va g‘arbning buyuk zotlari aytib o‘tgan foydali maslahatlari,shuningdek,respublikamizda yoshlarga e’tibor va yoshlar siyosati bilan bog‘liq dolzarb masalalar haqida fikr bildirdilar.
Tadbir so‘ngida talaba-yoshlar o‘zlarini qiziqtirgan savollariga to‘liq javob oldilar.
Ma’naviyat va ma’rifat bo‘limi
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
