Koreyashunoslik fakulteti talabalari “Yoshlar festivali”da
Joriy yilning 7-fevral kuni Toshkentda “Yangi O‘zbekistonni yoshlar bilan birga quramiz!” shiori ostida “Yoshlar festivali” o‘tkazildi. Festivalda Toshkent davlat sharqshunoslik instituti Koreyashunoslik fakultetining 1-2-kurs talabalari guruh murabbiylari Barno Hakimova, Shirin Muhamedova va Elzara Bekirovalar boshchiligidagida ishtirok etdi. Mazkur festival doirasida soat 14 dan 18:30 ga qadar turli tadbirlar o‘tkazildi. Festival doirasida yoshlar oʻz isteʼdodlarini namoyish qildilar. Festivalning oʻziga xos jihatlaridan biri undagi lohiyalarning barcha yoʻnalishlarni qamrab olganligidadir.Musiqa va san’at maktablari taqdimoti, “Yosh kitobxon” aksiyasi va kitoblar ko‘rgazmasi, harbiy texnikalar, jangavor kompositsiyalar hamda yoshlar o‘rtasida oʻtkazilgan Kibersport musobaqasi shular jumlasidandir.Bundan tashqari tadbirkorlikka qiziqishi boʻlgan talabalar bilan “Muvafaqqiyatga erishish sirlari” mavzusida taniqli ishbilarmonlar bilan uchrashuv ham boʻlib oʻtdi. Unda Koreyashunoslik fakulteti talabalari ham oʻzlari uchun qiziqarli boʻlgan yoʻnalishlarda oʻz isteʼdodlarini sinovdan oʻtkazdilar.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
