Nogironligi bo‘lgan shaxslarni qo‘llab quvvatlash
Toshkent davlat sharqshunoslik universitetida nogironligi bo’lgan, ijtimoiy himoyaga muhtoj talabalarga alohida e’tibor qaratilgan. Ularning kampusda xarakatlanishi uchun barcha shart-sharoitlar va imkoniyatlar yaratib berilgan.
Nogironlarni qo‘llab-quvvatlash va ularga turli xizmatlar ko‘rsatish bo‘yicha universitetda Kasaba uyushmasi qo‘mitasi va Yoshlar Ittifoqi boshlang‘ich tashkiloti faoliyat olib boradi. Ular uchun talabalar yotoqxonasidan ham maxsus joylar ajratilgan, shuningdek, universitet kutubxonasidan maxsus foydalanish shart-sharoitlari, universitetda Brail yozuvidagi kitoblar va ulardan foydalanish imkoniyatlari mavjud.
Shuningdek, universitet talabalarining muammolarini hal qilishda yordam berish Yoshlar ittifoqi boshlang‘ich tashkilotining asosiy vazifalaridan biri hisoblanadi. Toshkent davlat sharqshunoslik universiteti talabalari manfaatlarini himoya qilish Yoshlar ittifoqining boshlang‘ich tashkiloti faoliyatinig asosiy tamoyilidir. Universitetning a’lochi, iqtidorli, Sharq va G‘arb tillaridan xalqaro sertifikatlarga ega bo‘lgan talabalari nogironligi mavjud bo‘lgan talaba kursdoshlariga til o‘rganish, tarjima qilish, dars mashg‘ulotlarini o‘zlashtirishda har tomonlama ularni qo‘llab-quvvatlashda o‘zlarining beminnat yordamini beradilar.
O‘zbekiston Respublikasi Prezidentining “Nogironligi bo‘lgan shaxslarni davlat tomonidan qo‘llab-quvvatlash tizimini tubdan takomillashtirish chora-tadbirlari to‘g‘risida” 2017-yil 1-dekabrdagi PF-5270-son Farmonida kirish imtihonlarida ishtirok etgan nogironligi bo‘lgan shaxslarni oliy ta’lim muassasalariga qabul qilishda oliy ta’lim muassasalariga abiturientlarni qabul qilishning umumiy sonidan qo‘shimcha ravishda ikki foizli davlat granti asosidagi kvota ajratish tartibini joriy etish belgilangan.
Mazkur qarorlar ijrosi bo‘yicha Toshkent davlat sharqshunoslik universitetida qo‘shimcha ikki foizli davlat granti kvotalari ajratish tartibi bo‘yicha talabalikka qabul qilingan.
Vazirlar Mahkamasining 2018-yil 2-iyundagi 417-son Qarori bilan tasdiqlangan “Oliy ta’lim muassasalariga nogironligi bo‘lgan shaxslarni qo‘shimcha davlat granti kvotalari asosida o‘qishga qabul qilish tartibi to‘g‘risidagi Nizom”ga muvofiq kirish imtihonlarida to‘plash mumkin bo‘lgan eng yuqori ballning 30 foizidan kam bo‘lmagan ball to‘plagan nogironligi (I va II guruh) bo‘lgan shaxslar ballar ketma-ketligiga qat’iy rioya etilgan holda, qo‘shimcha ikki foizli davlat granti kvotalari doirasida talabalikka tavsiya etiladi.
Mazkur qarorlar ijrosi bo‘yicha Toshkent davlat sharqshunoslik universitetida qo‘shimcha ikki foizli davlat granti kvotalari ajratish tartibi bo‘yicha talabalikka qabul qilingan.
Universitetda nogironligi bo‘lgan shaxslarni har tomonlama qo‘llab quvvatlash va Prezidentimizning ushbu qarorlari ijrosini ta’minlash borasida bugungi kunda Toshkent davlat sharqshunoslik universitetida 46 nafar nogironligi bo‘lgan talaba barcha yaratilgan shart-sharoit va imkoniyatlar to‘laqonli foydalangan holda ta’lim olmoqdalar.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
