Fanlararo tadqiqotlar bo‘yicha onlayn ma’ruzalar
Toshkent davlat sharqshunoslik universitetining Koreyashunoslik fakulteti Kyungdong universiteti bilan uzoq yillardan beri hamkorlik qilib kelmoqda. KDU global muntazam ravishda butun dunyo bo‘ylab hamkor universitetlar professorlari va ekspertlarining onlayn mehmon ma’ruzalariga mezbonlik qiladi. Shu bois, TDSHU Koreyashunoslik fakulteti 2023-yilning dekabr oyidan boshlab Kyungdong universiteti bilan “Madaniyatlararo muloqot” mavzusida turkum onlayn ma’ruzalarni tashkil qilishni boshladi.
Ushbu turkum ma’ruzalar doirasida 2023-yilning 18-dekabr kuni Toshkent davlat sharqshunoslik universiteti Koreyashunoslik fakulteti dekani, professor Usmanova Shoiraning “Madaniyatlararo muloqotda noverbal kommunikatsiya”, Xitoy filologiyasi kafedrasi dotsenti, PhD. Shoxistaxon Shamsiyevaning “Madaniyatlararo muloqotda evfemizmlarning qo‘llanilishi” mavzusidagi ma’ruzalari Kyungdong universitetida onlayn ZOOM platformasi orqali o‘tildi. Mazkur ma’ruzalar Kyungdong universitetining Ta’lim platformasiga joylashtirildi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
