Ta’lim sifatini oshirish yo’lidagi hamkorlik
#SDG4
2024-yil 14-noyabr kuni TDSHU Tarjimashunoslik, tilshunoslik va xalqaro jurnalistika oliy maktabi boshlig’i dotsent Samida Mustafayeva XXR Pekin shahrida hamkor universitetlarning institut va bo’limlari rahbarlari bilan uchrashdi.
Uchrashuvda talabalar almashinuvi, xususan, tarjimashunoslik sohasi kadrlarini tayyorlash bo’yicha qo’shma dasturlar, mashina tarjimasi bo’yicha yangicha yondashuvlar va bu boradagi ilmiy hamkorlik, sinxron tarjimonlarni tayyorlash bo’yicha mavjud imkoniyatlar, ikki tomonlama professor-o’qituvchilarning ma’ruzalarini tashkil etish, hamkorlikda ilmiy nashrlar va loyihalar tayyorlash, kadrlar malakasini oshirishdagi hamkorlikni kengaytirish kabi qator masalalarda fikr almashildi.
Shuningdek, TDSHU da xorijlik talaba va mutaxassislarning malakasini oshirish uchun yaratilgan sharoitlar haqida ma’lumot berildi. Universitetlarning rahbarlari tomonidan imzolangan memorandum doirasida ikki tomonlama hamkorlikni institutlar, oliy maktab va fakultetlar kesimida yanada kengaytirish yuzasidan kelishib olindi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
