TDSHU rektori “Brilliance of CI” mukofotiga sazovor bo‘ldi
2024-yil 15-17-noyabr kunlari TDSHU rektori Gulchehra Rixsiyeva XXR Ta’lim vazirligining Xalqaro xitoy tili kongressida ma’ruza bilan ishtirok etdi. Ushbu anjuman “Hamkorlik. Integratsiya. Meros. Innovatsiya” mavzusida o‘tkazilib, xitoy tili ta’limi va madaniy almashinuvlarni rivojlantirishga qaratilgan.
Tadbir davomida Gulchehra Rixsiyevaga XXR ta’lim vazirligi tomonidan “Brilliance of CI” mukofoti topshirildi.
Ushbu mukofot TDSHUning xitoy tili va madaniyatini xalqaro miqyosidagi rivojlanishiga qo‘shgan alohida hissasi va o‘zaro madaniy aloqalarni mustahkamlash, ta’lim sohasidagi yutuqlari hamda Konfutsiy instituti faoliyatini qo’llab-quvvatlab kelayotgani uchun e’tirof sifatida taqdim etildi.
Shuningdek, TDSHU delegatsiyasi kongress doirasida tashkil etilgan ta’lim ko’rgazmasida ham ishtirok etib, hamkorlar bilan uchrashdi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
