Podshoh Salmon xalqaro arab tili akademiyasi delegatsiyasi TDSHU rektori bilan uchrashdi
Ayni kunlarda Toshkent davlat sharqshunoslik universitetida bo‘lib turgan Saudiya Arabistonining Podshoh Salmon xalqaro arab tili akademiyasi Bosh kotibi o‘rinbosari Ibrohim Abanmay rahbarligidagi delegatsiya 2023-yil 28- noyabr kuni universitet rektori G.Rixsiyeva bilan uchrashdi.
Uchrashuv chog‘ida Akademiya Bosh kotibi o‘rinbosari Ibrohim Abanmay universitetda talabalarga arab tilining o‘qitilishi, arabshunoslik borasida amalga oshirilayotgan ilmiy tadqiqot ishlarini yuqori baholab, pedagog kadrlarni tayyorlashda faol hamkorlik qilishga tayyorligini ta’kidladi.
Suhbat natijasida ikki muassasa o‘rtasida o‘zaro hamkorlikni amalga oshirish imkoniyatlari va ularning istiqbollari borasida fikr almashildi, birgalikda ilmiy tadqiqot loyihalarini amalga oshirish, xalqaro ilmiy anjumanlar va seminarlar tashkil etishga kelishib olindi. 
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
