TDSHU vakillari xalqaro forumda ishtirok etdi
2025-yil 30-31-oktyabr kunlari Toshkent davlat sharqshunoslik universitetining o‘quv ishlari bo‘yicha prorektori professor N.Abdullayev va Talabalarga xizmat ko‘rsatish bo‘limi boshlig‘i Q.Imomnazarov Xitoyning Qashg‘ar shahrida Kashi universiteti tomonidan tashkil etilgan xalqaro forumda ma’ruzalari bilan ishtirok etdilar.
“Xitoy – Markaziy va Janubiy Osiyo davlatlarida qonun ustuvorligi III xalqaro forumi” mavzusida tashkil etilgan va 11 ta davlatlar vakillari qatnashgan ushbu anjumanning asosiy maqsadi qonun ustuvorligini ta’minlash sohasida hamkorlikni chuqurlashtirish, Xitoyning “Bir kamar – bir yo‘l” tashabbusini birgalikda amalga oshirish imkoniyatlarini muhokama qilishga qaratildi.
Anjuman natijasida Toshkent davlat sharqshunoslik universiteti va Kashi universiteti o‘rtasida 2026-2027-o‘quv yilidan talabalar akademik mobilligini yo‘lga qo‘yish borasida bitim imzolandi.
Shuningdek, TDSHU delegatsiyasi Xitoyning Qashg‘ar shahrida bo‘lishi davomida 2025-yil 1-noyabr kuni Kashi universiteti prorektori Luo Xaoba bilan uchrashuv o‘tkazdi. Mazkur uchrashuvda prorektor Luo Xaoba Kashi universiteti va TDSHU o‘rtasida imzolangan bitim ikki oliy ta’lim muassasalari o‘rtasidagi munosabatlarning huquqiy bazasini shakllantirishini hamda uning asosida 2026-2027-o‘quv yilidan Kashi universitetining xitoy tili, rus tili, ingliz tili o‘qituvchilarini tayyorlashga qaratilgan ta’lim yo‘nalishlarida tahsil oluvchi talabalarining amaliyotini Toshkent davlat sharqshunoslik universitetida tashkil etishini ta’kidladi.
Ijtimoiy tarmoqlar:
