Toshkent davlat sharqshunoslik instituti rahbariyatining institut professor-o’qituvchilari va talaba-yoshlari bilan uchrashuvi
Toshkent davlat sharqshunoslik instituti raxbariyati ish faoliyatida institut professor-o‘qituvchilari va talaba-yoshlari bilan uchrashib, dildan gaplashish,ularni qiynayotgan yoki qiziqtirayotgan savollariga javob topish, respublikamizda va jahonda ro‘y berayotgan yangiliklar, institutimizda ma’naviy-ma’rifiy,o‘quv va ilmiy tadqiqot yo‘nalishlarida amalga oshirilayotgan ishlar xaqida batafsil suxbatlashish odat tusiga kirib bormoqda. Kuni kecha institut “Madaniyat saroyi” da 2017-yil – Xalq bilan muloqot va inson manfaatlari yili mazmun-mohiyatidan kelib chiqib, institutning “Sharq filologiyasi” va “Xitoyshunoslik” fakultetlari professor-o‘qituvchilari va talaba-yoshlari bilan ochiq muloqot tashkil etildi. Mazkur uchrashuvni institut rektori A.Mannonov ochib, mamlakatimizda yoshlarni vatanparvarlik va milliy qadriyatlarimizga hurmat ruhida tarbiyalash, ularning intilish va tashabbuslarini qo‘llab-quvvatlash, iste’dod va salohiyatini ro‘yobga chiqarish uchun zamonaviy sharoitlar yaratishga alohida e’tibor qaratilayotgani va bu kabi ishlarni samarali olib borishda O‘zbekiston Respublikasi Prezidentining 2014-yil 6-fevraldagi “O‘zbekiston Respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar to‘g‘risida”gi Qarori muhim dasturilamal bo‘layotganligini takidlab o‘tdi. Shuningdek, u institutda ma’naviy-ma’rifiy, o‘quv va ilmiy tadqiqot yo‘nalishlarda amalga oshirilayotgan ishlar xaqida gapirib berdi. So‘ng institut rektori professor-o‘qituvchilar va talaba-yoshlar tomonidan bajarilishi lozim bo‘lgan ijro intizomi, institutning “Odob-ahloq qoidalari” bandlarining bajarilish xolatiga ham to‘xtalib o‘tdi. Ayniqsa, talaba-yoshlarimizning kiyinish madaniyatiga, o‘zlarini tutish xolatlariga e’tirozlar borligi, talabalarimiz Respublikamizdagi eng ilg‘or oliy o‘quv yurtlaridan birida tahsil olayotganliklarini yodlaridan chiqarmasliklari, shu o‘quv yurtiga munosib bo‘lishlari kerakligi xaqida gapirib, ikkala fakultet talabalari orasida talab etilgan kiyinish madaniyatiga e’tibor sayoz ekanligi, fakultet raxbarlari esa bu ishlarga yetarli e’tibor qaratmayotganliklari, o‘qituvchilar bu ish menga taalluqli emas, uni murabbiylar bajarishlari kerak, degan fikrda ekanligi tashvishlantirayotgani va shu bugundan e’tiboran barcha professor-o‘qituvchilar xam talabalarning kiyinish madaniyatiga, dars mashg‘ulotlariga o‘z vaqtida yetib kelishlarini ta’minlashda faol bo‘lishlari, fakultet raxbarlari va guruh murabbiylari bu yo‘nalishda o‘z ishlarini qayta ko‘rib chiqishlari, talabni bajarmaydigan talabalarning ota-onalari va maxalla raislari bilan jiddiy xamkorlikda ishlashlarini olib borish shart ekanligi bo‘yicha ogohlantirib o‘tdi. Toshkent davlat sharqshunoslik in rektori institutda “Talabalar va ularning ota-onalarini qabul qilish xonasi” ochilganligini, unga istagan talaba va ularning ota-onasi kelib, institut raxbariyatidan o‘zlarini qiziqtirgan muammolarini xal etishlari mumkinligini bildirib o‘tdi.
Shundan so‘ng ikkala fakultet “Kamolot” YIH BT a’zolari so‘zga chiqib, o‘z fakultetlarida olib borilayotgan ishlari xaqida ma’lumot berdilar. Uchrashuv oxirida talabalar o‘zlarini qiziqtirgan savollar bilan murojaat etib, tegishli javoblarni oldilar.
Toshkent davlat sharqshunoslik institutida Xalq bilan muloqot va inson manfaatlari yili munosabati bilan institut raxbariyatining professor-o‘qituvchilar va talaba-yoshlar bilan turli davra suxbatlari, uchrashuvlari muntazam davom etaveradi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
