Toshkent davlat sharqshunoslik universiteti va Koreya Respublikasining Andong Milliy universiteti hamkorligida “LINC 3.0 Global Capstone Design” loyihasi bo‘yicha ochilish marosimi bo’lib o’tdi.
Toshkent davlat sharqshunoslik universiteti va Koreya Respublikasining Andong Milliy universiteti hamkorligida “LINC 3.0 Global Capstone Design” loyihasi bo‘yicha ochilish marosimi bo’lib o’tdi.
Mazkur loyiha Toshkent davlat sharqshunoslik universiteti va Koreya Respublikasining Andong Milliy universiteti o‘rtasida “LINC 3.0 Global Capstone Design” loyihasini amalga oshirish borasida imzolangan bitimga muvofiq gumanitar va turizm sohalarida O‘zbekistonlik va koreyalik talabalar ishtirokida amalga oshirishi belgilangan. Loyihaning asosiy maqsadi O‘zbekiston va Koreya davlatlarining tarixiy jozibadorligini namoyish etish, turizm salohiyatini yanada rivojlantirish, shuningdek, tarix muzeylarining jozibadorligini oshirishga qaratilgan mediya kontent tayyorlab, ekspozitsiyalarni jonlantirishga oid takliflar ishlab chiqishi ko‘zlangan.
Tadbirda Koreya Respublikasining Andong Milliy universitetining 50 dan ziyod professor-o‘qituvchilari va talabalari, shuningdek, Toshkent davlat sharqshunoslik universiteti, O‘zbekiston Milliy universiteti va Toshkent kimyo-texnologiyalari institutidan jami 60 nafar vakillar ishtirok etdi.
Mazkur ochilish marosimida Toshkent davlat sharqshunoslik universiteti va Koreya Respublikasining Andong Milliy universiteti loyiha mas’ullari so‘zga chiqib, loyiha 2 bosqichda: 1-bosqich O‘zbekistonda, 2-bosqich esa Koreyada amalga oshirilishi ta’kidlab o‘tildi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
