Toshkent davlat sharqshunoslik universitetida “Sharqshunos bitiruvchilar forumi” o‘tkazildi
Toshkent davlat sharqshunoslik universitetida bugun 2023-yil 23-dekabrida “Toshkentda sharqshunoslik oliy ta’lim dargohi tashkil etilganligining 105-yilligi munosabati bilan universitet muzeyi ochilishi hamda O‘zbekiston sharqshunoslar anjumani” doirasida universitetning kamida besh yillik bitiruvchilarini jalb qilgan holda “Bitiruvchilar forumi” o‘tkazildi.
Forumga mamlakatimiz iqtisodiyotining turli sohalarida faoliyat ko‘rsatib kelayotgan 500dan ortiq bitiruvchi taklif etildi va ular bilan “Bitiruvchilar klubi” tashkil etish, talabalar malakaviy amaliyoti bazalarini kengaytirish, bitiruvchilar bandligini ta’minlash masalalarida fikr almashildi.
“Bitiruvchilar klubi” faoliyati samaradorligini oshirish uchun har bir fakultetda uning bo‘limlarini tashkil etishga kelishib olindi.
Forum doirasida bitiruvchilarda yuzaga kelayotgan mavjud muammolarini yoki erishilayotgan yutuqlarini o‘rganish va natijalari bo‘yicha rahbariyatga axborot kiritib borish belgilandi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
