Bitiruvchi talabalar diqqatiga

28.04.2020, 20:28 E'lonlar 3845 Bosma versiyasi

1-ilova

Toshkent davlat sharqshunoslik universitetida magistrlik dissertasiyalari(MD)ning dastlabki va rasmiy himoyalarini o‘tkazish bo‘yicha Muvaqqat tartib

Koronavirus pandemiyasi sharoitida mamlakatimizda amalga oshirilayotgan barcha tadbirlar eng avvalo xalqimizning, qolaversa kelajagimiz vorislari hisoblangan yoshlarimizning avvaylab-asrashga xizmat qilmoqda. Shunday murakkab va qiyin sharoitda oliy ta’lim tizimi xodimlari, professor o‘qituvchilari oldida turgan eng muhim vazifa karantin davrida talaba-yoshlarning sifatli ta’lim olishlarini ta’minlashga qaratilgan. Ta’lim bosqichining muhim va mas’uliyatli davri, Davlat attestasiyasi jarayonlarini talab darajasida tashkil qilish va samarali o‘tkazilishi o‘quv jarayonining ajralmas tarkibiy qismi hisoblanadi. Bitiruvchi kurs magistrantlarining magistrlik dissertasiyalari dastlabki va rasmiy himoyasini masofaviy tashkil qilish kafedralarga va DAH a’zolariga alohida mas’uliyat yuklaydi. Ushbu Muvaqqat tartib magistrlik dissertasiyalarini dastlabki va rasmiy himoyalarini masofaviy usulda samarali tashkil qilish qoidalarini o‘z ichiga oladi. Mazkur qoidalar O‘zbekiston Respublikasi Vazirlar Mahkamasining 2015 yil 2 martdagi 36-son qarori tasdiqlangan “Magistratura to‘g‘risidagi Nizom” va O‘zbekiston Respublikasi Oliy va o‘rta maxsus ta’lim vazirining 2020 yil yil 27 martdagi “Oliy ta’lim muassasalarida masofaviy ta’limni joriy etish to‘g‘risida”gi 233-son buyrug‘i hamda uningg ijrosi yuzasidan chiqarilgan universitet rektorining 2020 yil 2 apreldagi 01-248-son buyruqlarida belgilangan vazifalar ijrosini ta’minlash maqsadida ishlab chiqilgan.

1. Dastlabki himoyani tashkil qilish va o‘tkazish

1.1. Magistrlik dissertasiyalarining dastlabki himoyasi kafedralarda masofaviy tarzda, universitet rahbariyati bilan kelishgan holda Magistratura bo‘limi tomonidan tasdiqlangan jadvalga muvofiq o‘tkaziladi.
1.2. Dastlabki himoyaga qadar magistrant magistrlik dissertasiyasini barcha texnik talablarga muvofiq rasmiylashtirgan va to‘liq yakunlagan, shuningdek, kamida 2 ta maqola yoki tezisni nashr qildirgan bo‘lishi shart. Kafedra mudiri, himoyaga qadar, ilmiy rahbar (ilmiy maslahatchi) tavsiyasi, ichki va tashqi taqrizchilarning xulosalari bilan (dissertantga himoyadan kamida uch kun oldin elektron shaklda taqdim qilinadi) magistrlik dissertasiyasini elektron shaklda qabul qilib oladi.
1.3. Taqrizchilar magistrlik dissertasiyasining dolzarbligi, ilmiy yangiligi va tugallanganligi to‘g‘risida xulosa taqdim etishi, kasb odob-axloqi qoidalarining buzilishi holatlari (plagiat, ma’lumotlarni soxtalashtirish, yolg‘on sitata keltirish va boshqalar) aniqlangan taqdirda, ularni taqrizda ko‘rsatishi kerak. Magistrlik dissertasiyasi belgilangan talablarga mos kelmagan holatlarda, magistratura talabasi tomonidan kasb odob-axloqi qoidalari (plagiat, ma’lumotlarni soxtalashtirish, yolg‘on sitata keltirish va boshqalar) buzilganligi aniqlangan taqdirda, shuningdek ushbu holatlarni qisqa muddatda tuzatish imkoniyati mavjud bo‘lmaganda taqrizchi magistrlik dissertasiyasini himoyaga qo‘yish maqsadga muvofiq emasligi to‘g‘risida xulosa beradi.

1.4. Magistrlik dissertasiyalarining muhokamasi masofaviy tashkil qilinadi, bunda, har bir kafedra o‘zlarining va magistrantlarning imkoniyatlaridan kelib chiqib turli internet platformalaridan, telegramm kanallaridan foydalanadilar. Shuningdek, magistrant o‘zining imkoniyatlari kelib chiqib, dastlabki himoya kuni magistrlik dissertasiyasi bo‘yicha video va audiorolik, audio va elektron matn (xamohanglikda, bunda ushbu usullar avvaldan yozib olinishiga imkoniyat beriladi) yoki elektron shaklda taqdimot qilishlari mumkin.
Dastlabki himoya muhokamasi yakunlari kafedra bayonnomasi bilan rasmiylashtiriladi.
1.5. Magistrlik dissertasiyasi dastlabki himoyaga tavsiya qilingan, ammo, uzrli sabablarga ko‘ra (kasalligi, oilaviy sharoiti, o‘ziga bog‘liq bo‘lmagan sabablar tufayli masofaviy aloqaga chiqa olmaganligi v.h) belgilangan kuni dastlabki himoyada qatnasha olmagan bitiruvchiga, kafedra qaroriga ko‘ra, dissertant bilan kelishilgan holda qo‘shimcha ravishda dastlabki himoyani o‘tkazish imkoniyati beriladi. Bunda, kafedra qarori bilan Magistratura bo‘lmi bilan kelishgan holda qo‘shimcha ravishda dastlabki himoyani o‘tkazish vaqti belgilanadi.

2. Rasmiy himoyalarini o‘tkazish

2.1. Magistrlik dissertasiyasini masofaviy rasmiy himoya qilish universitet rektorining buyrug‘i bilan tasdiqlangan jadval asosida tashkil qilinadi.
2.2. Magistrlik dissertasiyasining rasmiy himoyasi universitet Davlat attestasiyasi hay’ati (DAH) tomonidan o‘tkaziladi.Magistrlik dissertasiyasi DAHga kafedra qarori bilan elektron shaklda taqdim etiladi.
2.3. Bitiruvchi tomonidan magistrlik dissertasiyasining rasmiy himoyasi taqdimot materiallarini masofaviy bayon etish muddati 7- 10 daqiqadan oshmasligi lozim. Rasmiy himoya jarayonlari ZOOM, TIAMLINK platformalaridan foydalanilgan holda o‘tkaziladi. Agar dissertantda bunday platformalardan foydalanish imkoniyati bo‘lmaganda, DAHning roziligi bilan o‘zining imkoniyatlaridan kelib chiqib, himoya kuni video va audiorolik, audio va elektron matn (xamohanglikda, bunda ushbu usullar avvaldan yozib olinishiga imkoniyat beriladi) yoki elektron shaklda taqdimotlarni qo‘llashga ruxsat beriladi.
2.4. Rasmiy himoyada DAH a’zolari magistratura talabasining ilmiy ishi va salohiyatini quyidagi mezonlar asosida baholaydi:
– magistrlik dissertasiyasi tadqiqot mavzusining dolzarbligi va hozirgi kunda O‘zbekistonda olib borilayotgan islohatlar va Toshkent davlat sharqshunoslik unversitetiga ilmiy-tadqiqot sohasida qo‘yilayotgan yangi vazifalar qanchalik aks etganligi, uning amaliyot bilan bog‘liqligini ko‘rsatib bera olishi;
– magistrantning tadqiqotga va vazifalarni hal etishga mustaqil yondashuvi;
– foydalanilgan ilmiy adabiyotlar, ilmiy nashrlar, normativ-huquqiy hujjatlar, statistik ma’lumotlar, shuningdek xorijiy tillardagi adabiyotlar tanqidiy tahlilining to‘liqligi va chuqurligi;
– tadqiqot usullari amaliyotda qo‘llanilganligining asoslanganligi;
– olingan natijalar asosida ishlab chiqilgan tavsiyalarning amaliy ahamiyati;
– magistratura talabasining magistrlik dissertasiyasi doirasida o‘tkazilgan tadqiqot lar va olingan natijalarni rivojlantirish istiqbollarini ko‘ra bilish qobiliyati;
– magistrlik dissertasiyasining nazariy va amaliy qismlaridagi o‘zaro mantiqiy bog‘liqlikni kuzata bilish malakasi.
2.5. Magistrlik dissertasiyalari 5 ballik baholash tizimi talablari asosida baholanadi.
2.6. Magistrlik dissertasiyasi rasmiy himoyaga qabul qilingan, ammo, uzrli sabablarga ko‘ra (kasalligi, oilaviy sharoiti, o‘ziga bog‘liq bo‘lmagan sabablar tufayli masofaviy aloqaga chiqa olmaganligi va h.z.) belgilangan kuni rasmiy himoyada qatnasha olmagan magistrantga, o‘quv jarayoni grafigi doirasida, DAH a’zolarining roziligi bilan qo‘shimcha ravishda rasmiy himoyada qatnashishga ruxsat beriladi.

2-ilova

Toshkent davlat sharqshunoslik universitetida bitiruv malkaviy ishlari(BMI)ning dastlabki va rasmiy himoyalarini o‘tkazish bo‘yicha muvaqqat tartib

Koronavirus pandemiyasi munosabati bilan karantin cheklovlari kiritilganligi va talabalar bilan ta’lim jarayoni masofaviy shaklga o‘tkazilgani munosabati bilan universitet bitiruvchi kurs talabalarining o‘quv jarayonini samarali yakunlash, 2020 yil Davlat attestasiya hay’ati ishlarini belgilangan tartibda tashkil etish maqsadida O‘zbekiston Respublikasi Oliy va o‘rta maxsus ta’lim vazirining 2010 yil 9 iyundagi 225-son buyrug‘i bilan bilan tasdiqlangan “Oliy ta’lim muassasalarida bakalavrlarning bitiruv malakaviy ishini bajarishga qo‘yiladigan talablar” asosida mazkur muvaqqat talablar ishlab chiqildi va universitetning 2020 yil 18 apreldagi navbatdan tashqari o‘tkazilgan Ilmiy kengashida tasdiqlandi.

Bitiruv malakaviy ishini himoya qilish

Belgilangan tartibda rasmiylashtirilgan bitiruv malakaviy ishning elektron varianti talaba tomonidan rahbarga taqdim etiladi. Rahbar, bitiruv malakaviy ish talab darajasida bajarilganligiga ishonch bildirgandan so‘ng, ishni o‘z taqrizi bilan birga kafedra mudiriga taqdim etadi. Taqrizda talabaning faolligi qabul qilingan qarorlardagi yangiliklar va bitiruv malakaviy ishning boshqa ijobiy tomonlari tavsiflanadi. Kafedra mudiri, taqdim etilgan materiallar asosida, bitiruv malakaviy ishni talaba tomonidan Yakuniy davlat attestasiya komissiyasida himoya kilishga kiritish haqida qaror qabul qiladi.
Himoyaga kiritilgan bitiruv malakaviy ish taqrizchiga yuboriladi.
Bitiruv malakaviy ishni masofaviy rasmiy himoya qilish fakul’tet dekani farmoyishi bilan tasdiqlangan jadval asosida tashkil qilinadi.
Bitiruv malakaviy ishining rasmiy himoyasi universitet Davlat attestasiyasi hay’ati (DAH) tomonidan o‘tkaziladi. Bitiruv malakaviy ish DAHga kafedra qarori bilan elektron shaklda taqdim etiladi.
Bitiruvchi tomonidan Bitiruv malakaviy ishining rasmiy himoyasi taqdimot materiallarini masofaviy bayon etish muddati 7- 10 daqiqadan oshmasligi lozim. Rasmiy himoya jarayonlari ZOOM, TIAMLINK platformalaridan foydalanilgan holda o‘tkaziladi. Agar bitiruvchida bunday platformalardan foydalanish imkoniyati bo‘lmaganda, DAHning roziligi bilan o‘zining imkoniyatlaridan kelib chiqib, himoya kuni video va audiorolik, audio va elektron matn yoki elektron shakldagi taqdimotlarni qo‘llashga ruxsat beriladi.
Rasmiy himoyada DAH a’zolari bitiruvchi talabaning ilmiy ishi va salohiyatini quyidagi mezonlar asosida baholaydi:
Bitiruv malakaviy ishi tadqiqot mavzusining dolzarbligi va uning amaliyot bilan bog‘liqligini ko‘rsatib bera olishi;

– bitiruvchining tadqiqotga va vazifalarni hal etishga mustaqil yondashuvi;
– foydalanilgan ilmiy adabiyotlar, ilmiy nashrlar, normativ-huquqiy hujjatlar, statistik ma’lumotlar, shuningdek xorijiy tillardagi adabiyotlar tanqidiy tahlilining mavjudligi;
– olingan natijalar asosida ishlab chiqilgan xulosalarning amaliy ahamiyati.
Bitiruv malakaviy ishi talabalar bilimini nazorat qilish va baholashning reyting tizimiga muvofiq 100 ballik tizimda aniqlanadi hamda yakuniy davlat attestasiyasi komissiyasining majlis bayoni rasmiylashtirilgandan so‘ng shu kunning o‘zida e’lon qilinadi.
Bitiruv malakaviy ishida mualliflikni o‘zlashtirishga (plagiatga) yo‘l qo‘yilmaydi. Bunday holat aniqlanganda, davlat attestasiya komissiyasi tomonidan bitiruvchiga tegishli attestasiya sinovidan qoniqarsiz baho qo‘yiladi yoki qo‘yilgan ijobiy baho bekor qilinadi.
Bitiruv malakaviy ishi rasmiy himoyaga qabul qilingan, ammo, uzrli sabablarga ko‘ra (kasalligi, oilaviy sharoiti, o‘ziga bog‘liq bo‘lmagan sabablar tufayli masofaviy aloqaga chiqa olmaganligi va h.z.) belgilangan kuni rasmiy himoyada qatnasha olmagan talabaga, o‘quv jarayoni grafigi doirasida, DAH a’zolarining roziligi bilan qo‘shimcha ravishda rasmiy himoyada qatnashishga ruxsat beriladi.

3-ilova

Bakalavriat ta’lim yo‘nalishlarii bo‘yicha umumkasbiy va ixtisoslik fanlariaro yakuniy davlat attestasiya sinovi tarkibi va baholash mezonlari

Masofaviy ta’lim xususiyatlaridan kelib chiqib, ta’lim yo‘nalishi bo‘yicha umumkasbiy va ixtisoslik fanlariaro yakuniy davlat attestasiya sinovi yozma va og‘zaki usulda tashkil etiladi va 3 ta savoldan iborat bo‘ladi:
1-savol yozma: ixtisoslikka oid matnni (1200 belgi) asosiy o‘rganilayotgan tildan ona tiliga tarjima – 30 ball (30-26 ball – a’lo; 22-25 – yaxshi; 17 – 21 o‘rta);
2-savol yozma: ixtisoslikka oid matnni (1200 belgi) ona tilidan asosiy o‘rganilayotgan tilga tarjima – 30 ball (30-26 ball – a’lo; 22-25 – yaxshi; 17 – 21 o‘rta);
3-savol yozma va og‘zaki javoblar: talabaning mantiqiy fikrlab, xulosa chiqarishi uchun asos bo‘ladigan asosiy ixtisoslik fanidan – yozma javobga 20 ball; og‘zaki javobga – 20 ball (20-17 ball – a’lo; 16-14 – yaxshi; 13 – 11 o‘rta).
Asosiy ixtisoslik fanidan yozma sinovning hajmi talabaning fan bo‘yicha tasavvuri, bilimi va amaliy ko‘nikmasini baholash uchun yetarli bo‘lishi zarur.
Og‘zaki sinov shaklida talabalar on-layn muloqotda yozma sinovda bergan javoblarini himoya qiladilar.
Talabaning og‘zaki javoblariga qarab uning yozma shakldagi bergan javoblariga qo‘yilgan baho o‘zgartirilishi mumkin.
Yakuniy davlat attestasiya sinovini baholash mezonlari kafedralar tomonidan ishlab chiqiladi va yakuniy davlat attestasiya sinovidan oldin talabalar e’tiboriga yetkaziladi.
Yakuniy davlat attestasiyasiga kiritilgan barcha turdagi attestasiya sinovlarida mualliflikni o‘zlashtirishga (plagiatga) yo‘l qo‘yilmaydi. Bunday holat aniqlanganda, davlat attestasiya komissiyasi tomonidan bitiruvchiga tegishli attestasiya sinovidan qoniqarsiz baho qo‘yiladi yoki qo‘yilgan ijobiy baho bekor qilinadi.

4-ilova

BITIRUV MALAKAVIY IShI HIMOYA QILUVChI BITIRUVChILAR
RO‘YXATI

Sharq filologiyasi fakulteti
Filologiya va tillarni o‘qitish (arab filologiyasi) ta’lim yo‘nalishi

Filologiya va tillarni o‘qitish (eron-afg‘on filologiyasi) ta’lim yo‘nalishi

Filologiya va tillarni o‘qitish (turk filologiyasi) ta’lim yo‘nalishi

Filologiya va tillarni o‘qitish (Janubiy va Janubi-Sharqiy Osiyo tillari) ta’lim yo‘nalishi

Filologiya va tillarni o‘qitish (mumtoz tillar) ta’lim yo‘nalishi

Tarjima nazariyasi va amaliyoti (sharq tillari) ta’lim yo‘nalishi

Koreyashunoslik fakulteti

Filologiya va tillarni o‘qitish (koreys filologiyasi) ta’lim yo‘nalishi

Xorijiy mamlakatlar iqtisodiyoti va mamlakatshunoslik (Koreya Respublikasi) ta’lim yo‘nalishi

Xitoyshunoslik fakulteti

Filologiya va tillarni o‘qitish (xitoy filologiyasi) ta’lim yo‘nalishi

Xorijiy mamlakatlar iqtisodiyoti va mamlakatshunoslik (Xitoy Xalq Respublikasi) ta’lim yo‘nalishi

Jahon siyosati (Xitoy Xalq Respublikasi) ta’lim yo‘nalishi

Tarix (Xitoy Xalq Respublikasi) ta’lim yo‘nalishi

Tarix va falsafa fakulteti

Tarix (Markaziy Osiyo xalqlari tarixi) ta’lim yo‘nalishi

Tarix (Sharq mamlakatlari tarixi) ta’lim yo‘nalishi

Sharq falsafasi va madaniyati ta’lim yo‘nalishi

Xorijiy mamlakatlar iqtisodiyoti va mamlakatshunoslik fakulteti

Xorijiy mamlakatlar iqtisodiyoti va mamlakatshunoslik (MDH mamlakatlari) ta’lim yo‘nalishi

Xorijiy mamlakatlar iqtisodiyoti va mamlakatshunoslik (Yaqin Sharq mamlakatlari) ta’lim yo‘nalishi

Xorijiy mamlakatlar iqtisodiyoti va mamlakatshunoslik (Uzoq Sharq va Janubiy Osiyo mamlakatlari) ta’lim yo‘nalishi

Jahon siyosati (mintaqalar bo‘yicha) ta’lim yo‘nalishi

Yaponshunoslik fakulteti

Filologiya va tillarni o‘qitish (yapon filologiyasi) ta’lim yo‘nalishi

Facebook | Telegram | Instagram | YouTube