“Koreys tili notiqlik san’ati” musobaqasi o‘tkazildi.
TDSHUda joriy yilning 10-mart kuni Koreyashunoslik fakulteti tomonidan “Koreys tili notiqlik san’ati” musobaqasi o‘tkazildi. Musobaqada fakultetning birinchi va ikkinchi bosqich talabalari ishtirok etdilar. Shuni ta’kidlab o‘tish joizki, ushbu tanlov bir necha yillardan buyon TDSHUda an’anaviy tarzda Koreyashunoslik sohasi rivojiga munosib hissa qo‘shgan shaxs, professor Kim Mun Uk xotirasiga bag‘ishlab o‘tkazib kelinmoqda. Navbatdagi Kim Mun Uk tavalludining 85 yilligi munosabati bilan tashkil etilgan notiqlik san’ati musobaqasi “Ustoz” mavzusida o‘tkazildi.
Ishtirokchilar mavzu asosida ustozning inson kamolotida tutgan o‘rni va ahamiyati to‘g‘risida tayyorlab kelgan nutqlari orqali o‘z notiqlik mahoratlarini namoyish etdilar. Koreya madaniyati va hayotiga oid o‘tkazilgan tanlovda 1-o‘rin koreys filologiyasi yo‘nalishi 1-kurs talabasi Kim Annaga nasib etdi.
Shuningdek, musobaqaning faol ishtirokchilari va g‘oliblariga faxriy yorliq hamda esdalik sovg‘alari topshirildi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
