“Oʻzbekiston-Koreya: oʻzaro hamkorliklarning bugungi kuni va istiqbollari mavzusida xalqaro ilmiy-amaliy konferensiya”haqida batafsil
2021-yil 28-yanvarda mamlakatimiz rahbari Shavkat Mirziyoyev va Koreya respublikasi prezidenti Mun Chje Inlar oʻrtasida videoanjuman shaklidagi uchrashuv o’tkazilgan edi. Ushbu uchrashuvga muvofiq joriy yilning 1-aprel kuni Toshkent davlat sharqshunoslik universitetida “Oʻzbekiston-Koreya: oʻzaro hamkorliklarning bugungi kuni va istiqbollari mavzusida xalqaro ilmiy-amaliy konferensiya” tashkil etildi.
Konferensiyani Toshkent davlat sharqshunoslik universiteti rektori Rixsiyeva Gulchehra Shavkatovna, Oliy va oʻrta maxsus taʼlim vaziri oʻrinbosari Begimqulov Urozboy Shoimqulovich, Koreya Respublikasining Oʻzbekistondagi muxtor elchisi Kan Je Kvon hamda Kyungdong universiteti Global Kampus prorektori professor Li Yong Suklar kirish soʻzlari bilan ochib berdilar.
Kirish qismidan soʻng, konferensiya ishtirokchilari tomonidan tayyorlangan maʼruzalar tinglandi. Rang-barang mavzularda tayyorlangan ushbu maʼruzalarda ikki davlat oʻrtasida turli yoʻnalishlarda yoʻlga qoʻyilgan hamkorlikni yanada rivojlantirish masalalariga urgʻu berildi. Xususan, Toshkentdagi Ajou universiteti professori Park Sang Woo tomonidan “Oʻzbekistonda taʼlim sohasida hamkorlikni rivojlantirish reʼjasi” mavzusida tayyorlangan maʼruza konferensiya ishtirokchilari oʻrtasida qiziqarli muhokamalarga sabab boʻldi. Bundan tashqari, Kyungdong universiteti Global Kampus xalqaro taʼlim ishlari boʻyicha prorektori Joʻrayev Sirojiddin, G.V.Plexanov nomidagi Rossiya iqtisodiyot universitetining Toshkentdagi filiali professori Islamov Baxtiyor Anvarovich, Toshkent davlat sharqshunoslik universiteti doktoranti Nikolayeva Kamilla Sergeyevna va boshqa ishtirokchilar tomonidan tayyorlangan maʼruzalar doirasida Orol dengizi muammosi, Elektron hukumat tizimini shakllantirish, Oʻzbekiston-Janubiy Koreya munosabatlarining istiqbollari uchun akademik hamkorlikning oʻrni masalalari atroflicha tahlil qilindi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
