Bellashuvlar, tanlovlar, stipendiyalar
“Besh tashabbus olimpiadasi” doirasida TDSHU yoshlar ittifoqi jamoasi tashabbusi bilan TDShU Sharq xalqlari tillari va adabiyoti instituti talabalari o‘rtasida “Talabalar ligasi” mini-futbol sport turi bo‘yicha bellashuvlar qizg‘in tarzda o‘tkazildi.
Musobaqa fakultet yoshlar o‘rtasida sportni keng targ‘ib qilish va sog‘lom turmush tarzini targ‘ib qilish maqsadida tashkil etildi.
Ushbu musobaqada jamoalar quyidagicha o‘rinlarga ega bo‘lishdi:
“Double degree” jamoasi;
“Real Madrid” jamoasi;
“Bardrid” jamoasi.
Universitet yoshlar ittifoqi “Kitobxonlik” klubi tashabbusi bilan kitobxon talabalarni bir davrada jamlagan loyiha tashkil etildi.
O‘tkir Hoshimovning “Dunyoning ishlari” asari doirasida tashkil etilgan tanlovda 90 yaqin talabalar qamrab olinib, ushbu loyiha ularning o‘zaro bellashuvi va fikr almashishi uchun munosib maydon bo‘lib xizmat qildi.
TDShU Amaliy fanlar fakulteti talabalari o‘rtasida “Talabalarning bo‘sh vaqtini mazmunli o‘tkazish” va “Talabalar ligasi” doirasida sportning volleybol va 60 metrga yugurish turlari boʻyicha musobaqalar oʻtkazildi.
“Besh tashabbus olimpiadasi” doirasida TDSHU yoshlar ittifoqi jamoasi tashabbusi bilan Tashqi siyosat va xalqaro iqtisodiy munosabatlar instituti talabalari oʻrtasida futbol sport turidan final oʻyini boʻlib oʻtdi.
Qizgʻin davom etgan bahs soʻngida “Climax team” jamoasi penaltilar seriyasi hisobiga koʻra gʻoliblikni qoʻlga kiritdi.
Faxrli oʻrinlarni qoʻlga kiritgan jamoalar institut rahbariyati tomonidan quyidagi miqdordagi pul mukofotlari bilan taqdirlandi:
1-oʻrin: “Climax team” jamoasi – 600.000 soʻm;
2-oʻrin: “Ultras” jamoasi – 400.000 soʻm;
3-oʻrin: “Brave team” jamoasi – 300.000 soʻm.
Toshkent davlat sharqshunoslik universiteti Tashqi siyosat va xalqaro iqtisodiy munosabatlar instituti, Turizm kafedrasi hamda Yoshlar ittifoqi jamoasi tashabbusi bilan “Xalqaro Turizm kuni” munosabati bilan “Zakovat” intellektual o‘yini o‘tkazildi.
Tadbir boshlanishida Turizm kafedrasi mudiri dotsent Ch.Xusanov so‘zga chiqib, turizmning milliy iqtisodiyotdagi ahamiyati, bugungi kunda mamlakatimizda turizm sohasini rivojlantirish borasida olib borilayotgan keng ko‘lamli islohotlar haqida to‘xtalib o‘tdi. Tashqi siyosat va xalqaro iqtisodiy munosabatlar direktori D.Salayev tadbir ishtirokchilarini bayram bilan tabriklab, ularga muvaffaqiyat tiladi.
O‘zgacha shukuh va ruhiyatda o‘tgan loyihada 30 dan ortiq jamoalarda 200 ga yaqin talabalar ishtirok etdi. Tadbir so‘nggida g‘olib jamoalar diplom va esdalik sovg‘alari bilan taqdirlandi.
TDShU Sharq svilisaziyasi va falsafa fakulteti talabalari o‘rtasida mini-futbol sport turi bo‘yicha musobaqa o‘tkazildi.
O‘tkazilgan musobaqadan maqsad – besh tashabbus loyihalari doirasida fakultet yoshlar o‘rtasida sportni keng targ‘ib qilish va sog‘lom turmish tarzini targ‘ib qilish.
Bu musobaqalarda universitetimizning 80 nafar talabalari ishtirok etishdi. Musobaqa o‘yini olimpiya sistemasida o‘tkazildi. O‘tkazilgan musobaqada universitet “Sharqshunos“ jamoasiga talabalar tanlab olindi.
ARXIV
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
