“Eng yaxshi talaba maqolasi” tanlovi
2020-yilning 20-iyun kuni Toshkent davlat sharqshunoslik universitetida “Mustaqil O‘zbekiston diplomatiyasi” mavzusidagi “Eng yaxshi talaba maqolasi” tanlovi e’lon qilingan edi. 3 oy davom etgan tanlovda universitet talabalari faol ishtirok etib, mamlakat tashqi siyosatidagi o‘zgarishlar jarayoni va yangilanayotgan O‘zbekistondagi asosiy yutuqlarni o‘z maqolalarida tahliliy yoritdilar.
Tanlov natijasiga ko‘ra, 4 bosqich talabasi Ahmedova Shahnoza G‘ayrat qizi 1-o‘rinni, 4 bosqich talabasi Xudoyqulov A’zamjon Xudoyberdi o‘g‘li 2-o‘rinni, 2 bosqich talabasi Islomov Shohjahon Sherzod o‘g‘li 3-o‘rinni egalladilar. Mazkur talabalar “Jahon siyosati” ta’lim yo‘nalishida arab-ingliz guruhlarida tahsil oladilar.
G‘oliblarga bugun O‘zbekiston Respublikasi Konstitutsiyasi kuni arafasida universitet ma’muriyati tomonidan sertifikat va esdalik sovg‘alari taqdim etildi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
