Arab tili ta’limi orqali sifatli ta’lim
TDSHUga «Podshoh Salmon» nomidagi Xalqaro Arab tili akademiyasi delegatsiyasi tashrifi munosabati bilan Universitetning Arab filologiyasi kafedrasi mudiri Shorustam Shomusarovning «Salmon xalqaro arab tili akademiyasi — ilm qal’asi» nomli maqolasi «Al-Jazira» gazetasida nashr etildi.
Podshoh Salmon nomidagi Xalqaro Arab Tili Akademiyasi tomonidan o‘tkazilayotgan ta’lim loyihalari ona tili arab tili bo‘lmagan insonlarga o‘rgatishga ixtisoslashgan holda, xalqaro miqyosda sifatli va inklyuziv ta’limni ilgari surib keladi.
2023-yilning may va noyabr oylarida Akademiya Toshkent davlat sharqshunoslik universiteti bilan hamkorlikda professor-o‘qituvchilar, talabalar va tadqiqotchilar uchun malaka oshirish kurslarini tashkil etdi. Ushbu dasturlar ishtirokchilarga arab tilini chuqur o‘rganish, zamonaviy o‘quv metodikalari bilan tanishish va til o‘qitish ko‘nikmalarini rivojlantirish imkoniyatini berdi.
Bu tashabbuslar oliy ta’limga teng imkoniyatlar yaratish, yoshlar va kattalarning kerakli malakalarga ega bo‘lishini ta’minlash va madaniy xilma-xillikni targ‘ib qilish kabi maqsadlarni amalda ro‘yobga chiqarishga xizmat qilmoqda.
Podshoh Salmon Akademiyasi nafaqat darsliklar va o‘quv materiallari yaratmoqda, balki o‘qituvchilar uchun maxsus treninglar, konferensiyalar va xalqaro hamkorlik orqali arab tilining o‘qitilishi sifatini oshirishga intilmoqda.
Mazkur faoliyatlar orqali Akademiya O‘zbekistonda va butun Markaziy Osiyoda sifatli ta’limga bo‘lgan kirish imkoniyatini kengaytirishga, shu orqali barqaror rivojlanish maqsadlarini amalga oshirishga faol hissa qo‘shmoqda.
Ijtimoiy tarmoqlar:
