Millatlararo almashinuvlar va ilmiy hamkorlik orqali sifatli ta’limni rivojlantirish
Toshkent davlat sharqshunoslik universiteti va Xitoy Xalq Respublikasining Shimoli-g’arbiy universiteti o’rtasida millatlararo almashinuvlar va ilmiy hamkorlikni yanada kuchaytirish maqsadida, 2024-yil 24-26 iyun kunlari Xitoyshunoslik fakulteti Xitoy filologiyasi kafedrasi professor-o’qituvchilari tomonidan Shimoli-g’arbiy universitetda rus va uyg’ur tillarini o’rganadigan bakalavr va magistrantlar uchun ma’ruzalar tashkil etildi.
Mazkur turkum online ma’ruzalar Toshkent davlat sharqshunoslik universiteti va XXRning Shimoli-g’arbiy universiteti o’rtasida 2023-yil may oyida imzolangan memorandum doirasida amalga oshirildi.
Bu tashabbus xalqaro ilmiy hamkorlikni rivojlantirish, ta’lim sohasida imkoniyatlarni kengaytirish va madaniy almashinuvlarni qo‘llab-quvvatlash orqali ta’lim tizimining sifatini oshirishga qaratilgan. Bunday almashinuvlar talabalar va o‘qituvchilarga o‘zaro bilim almashish imkoniyatini yaratib, ta’limga teng imkoniyatlar yaratishga xizmat qiladi.
Bu kabi tashabbuslar, ayniqsa yoshlarning ta’limga bo‘lgan qiziqishini oshirib, barcha talabalar uchun sifatli va inklyuziv ta’lim olish imkoniyatlarini taqdim etadi.
Ijtimoiy tarmoqlar:
