Eron Islom Respublikasi Tashqi aloqalar bo’yicha Kengashi direktori, Ilm-fan va kognitiv texnologiyalar shtabi kotibi Kamol Xarroziy janoblarining Toshkent davlat sharqshunoslik institutiga tashriflari
2019-yil 2-may kuni Toshkent davlat sharqshunoslik institutiga Eron Islom Respublikasi Tashqi aloqalar bo’yicha Kengashi direktori, Ilm-fan va kognitiv texnologiyalar shtabi kotibi Kamol Xarroziy janoblari tashrif buyurdi. Oliy martabali mehmon institutning katta majlislar zalida tantanali kutib olindi. Tadbirni institutimiz rektori A.Mannonov ochib berdi va o’z nutqida institutimiz, xususan eronshunoslikning institut tarixida tutgan beqiyos o’rni haqida ma’lumotlar berib o’tdi. Shundan so’ng so’z navbatini K.Xarroziy janoblariga berildi. Institut mehmoni “O’zbekiston va eron: madaniyatlar va sivilizatsiyalararo muloqot” deb nomlangan nutqlari bilan hammani bahraman qildi. Tadbir davomida Eron-afg’on filologiyasi kafedrasi professor-o’qituvchilari so’zga chiqib, kafedrada amalga oshirilayotgan ilmiy-tadqiqot ishlari haqida qisqacha ma’lumot berib o’tdilar. Shuningdek kafedra talabalari o’z nutqlari va mashhur eron shoirlarining g’azal va sherlari bilan tadbirga fayz bag’ishladilar. Tadbir so’ngidan A.Mannonov hurmatli mehmonga esdalik sovg’alarini taqdim etdi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
