KOICA-KIDC tashkiloti vakillari TDSHUga tashrif buyurdi
#SDG4
2025-yil 19-may kuni Toshkent davlat sharqshunoslik universiteti talabalariga “KOCE” dasturi to‘g‘risida atroflicha ma’lumot berish uchun Im Sangmi xonim – KOICA-KIDC tarkibidagi KOCE tashabbusi jamoa rahbari Koreyashunoslik oliy maktabiga tashrif buyirdilar. Im Sangmi xonim hamda Koreyashunoslik oliy maktabi talabalari o‘rtasida qizg‘in davra suhbati bo‘lib o‘tdi.
Eslatib o‘tamiz, KOCE — bu O‘zbekiston yoshlariga Koreyada ta’lim olish va ishga joylashish bo‘yicha amaliy yordam ko‘rsatishga qaratilgan dasturdir.
Tadbir davomida 4 xil tematik stend faoliyat yuritishi kutilmoqda.
- Ta’lim va ishga joylashish stendi: Bu bo‘limda Koreyada viza olish, o‘qishga kirish, stipendiyalar va ish e’lonlari haqida ma’lumot olish mumkin bo‘ladi.
- Koreya hayoti va ish madaniyati stendi: Bu yerda Koreyada yashash, mahalliy hayot tarzi, ishbilarmonlik madaniyati, korxona odatlari haqida ma’lumot beruvchi qo‘llanmalar bilan tanishiladi.
- Hujjatlarni tayyorlash bo‘yicha maslahatlar stendi: Koreyada o‘qish uchun avto-tarjimai hol va ishga kirish uchun hujjatlarni 1:1 shaklida ko‘rib chiqish imkoniyati mavjud.
- Individual suhbat (intervyu) mashg‘ulotlari stendi: Magistratura yoki ishga kirish uchun intervyularda ko‘p beriladigan savollar asosida mashg‘ulotlar o‘tkaziladi. Ishtirokchilarga “Intervyu strategiyalari” to‘plami ham beriladi.
© 2023 Toshkent davlat sharqshunoslik universiteti. Barcha huquqlar himoyalangan.
TDSHU saytidagi ma'lumotlardan foydalanilganda, manbaga havola qilish majburiy.
Ijtimoiy tarmoqlar:
