Koreyashunoslik fakultetida Talabalikka bag’ishlov tadbiri
2018 yilning 26 oktabr kuni institutimizda yangi tashkil etilgan Koreyashunoslik fakultetida talabalikka bag’ishlov bayram tadbiri bo’lib o’tdi. Tadbirda institut va fakultet rahbariyati, professor-o’qituvchilar va talabalar hamda xorijlik mehmonlar ham ishtirok etdilar. Tadbirda fakultet iqtidorli talabalari o’rtasida turli viktorinalar, bellashuvlar va lotareya o’yinlari o’ynaldi. Ayniqsa o’zbekistonlik talabalarning koreys tilida, koreyalik talabalarning o’zbek tilida notiqlik san’ati bo’yicha musobaqasi va so’z o’yinlari yig’ilganlarda katta taassurot qoldirdi. Fakultetda tahsil olayotgan yuqori kurs talabalarining koreys kinolaridan lavhalarni o’zbekcha talqinda namoyish etganliklari qatnashchilar olqishiga sabab bo’ldi. Tadbir turli go’zal kuy-qo’shiq va raqslarga boy bo’ldi.
Ma’naviyat va ma’rifat bo’limi
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
