Sardar Vallabhai Patel xotirasiga bag‘ishlangan foto ko‘rgazma TDSHUda
2021-yilning 28-oktabrdan boshlab, Toshkent davlat sharqshunoslik universiteti va Hindistonning O‘zbekistondagi elchixonasi hamkorligida TDSHUda Hindistonning birdamligiga o‘z hissasini qo‘shgan mashhur davlat arbobi Sardar Vallabhai Patel xotirasiga bag‘ishlangan foto ko‘rgazma o‘tkazilmoqda.
Hindiston Respublikasining O‘zbekistondagi Favqulodda va muxtor elchisi Manish Prabhat, Toshkent davlat sharqshunoslik universiteti rektori Gulchehra Rixsiyeva va prorektori Elyor Maxmudov, Toshkentdagi Hindiston klubi raisi Ashok Tivari Sardar Patelning Hindiston ozodligiga va davlatchiligi shakllanishiga qo‘shgan hissasi hamda respublikadagi siyosiy arbob sifatidagi roli to‘g‘risida ma’lumot berib, mazkur ko‘rgazmani ochib berdilar.
Ushbu tadbirning ochilish marosimidan so‘ng mehmonlar va talabalar Sardar Patelning hayoti va faoliyati jamlangan foto ko‘rgazmani tomosha qilishga taklif etildilar.
Ko‘rgazma 30-oktabrgacha bo‘lib o‘tadi.
TDSHU matbuot xizmati
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
