Talabalar ota-onalari bilan ochiq muloqot
Barchamizga ma’lumki, mamlakatimiz Prezidenti Sh.Mirziyoyev tomonlaridan 2017-yil – Xalq bilan muloqot va inson manfaatlari yili etib belgilandi. Mazkur yil ijrosi yuzasidan barcha oliy ta’lim muassasalari qatorida Toshkent davlat sharqshunoslik institutida ham institut rektori va prorektorlarining talaba-yoshlar bilan ochiq muloqot tarzida o‘tkazilayotgan uchrashuvlar an’anaga aylanib bormoqda. Uchrashuvlar talaba-yoshlar bilan cheklanib qolmay balki, ularning ota-onalari bilan ham olib borilmoqda. Kuni kecha institutning “Xitoyshunoslik” fa’kulteti talabalari ota-onalari bilan ochiq muloqot tashkil etildi. Muloqat tarzida o‘tkazilgan uchrashuvda institut rektori, barcha prorektorlar, “Xitoyshunoslik” fakulteti dekani va muovinlari, barcha fan o‘qituvchilari hamda institut “Kamolot” YIH boshlang`ich tashkiloti yetakchisi ishtirok etdilar. Yig‘ilishni institut rektori professor A.Mannonov boshqarib bordi. Rektor o‘z so‘zida Oliy ta’lim vazirligida bo‘lib o‘tgan Hay’at yig‘ilishi va unda ko‘tarilgan masalalar haqida gapirib, talaba-yoshlarning dars mashg‘ulotlariga o‘z vaqtida kelishlari hamda ularning kiyinish madaniyatiga qat’iy rioya qilishlari eng dolzarb masalalardan biri bo‘lganligi, huddi shu masala bo‘yicha “Xitoyshunoslik” fakultetida ham talaygina muammolar borligi, ayniqsa, qizlarning kiyinish madaniyatiga e’tiborlari sust ekanligi, fakultet rahbarlari va murabbiylari ushbu yo‘nalish bo‘yicha yetarli ishlarni amalga oshirishlari lozimliklarini ta’kidlab o‘tdi. Institut prorektorlari Sh.Oripov, N.Abdullaev, G.Rixsiyevalar xam so‘zga chiqib, o‘z yo‘nalishlari bo‘yicha amalga oshirilayotgan va oshirilishi lozim bo‘lgan ishlar haqida ota-onalarga tegishli ma’lumotlar berdilar. Uchrashuv davomida ota-onalar ham so‘zga chiqib, haqiqatan ham ushbu institutda farzandlarini ta’lim olishlari katta baxt ekanligi chunki, bu dargohdan yirik sharqshunos olimlar, qator elchilar yetishib chiqqanligining o‘zi ko‘p narsadan dalolat berishini, shuning uchun farzandlarini ham qunt bilan o‘qishlarini xohlashlarini va buning uchun barcha zarur sharoitlarni yaratishlarini, dars mashg‘ulotlariga to‘liq va o‘z vaqtida qatnashishlarini doimiy nazoratga olishlarini ta’kidlab o‘tdilar. Institut rahbariyatiga o‘zlarini qiziqtirayotgan savol va takliflar bilan murojaat qilib, batafsil javob oldilar.
Ma’naviyat va ma’rifat bo‘limi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
