“Tashkent Book Fest-2019″ga tashrif
2-4 oktabr kunlari Toshkentdagi “O’zekspomarkaz” Milliy ko’rgazmalar zalida bo’lib o’tayotgan va uzoq vaqtdan beri kitobxonlar tomonidan intiqib kutilayotgan “Tashkent book fest-2019” – Toshkent xalqaro kitob ko’rgazma-yarmarkasiga ToshDSHIning Sharq filologiyasi, Falsafa va tarix, Xorijiy mamlakatlar iqtisodiyoti va siyosati fakulteti talaba yoshlari ham o‘z o’qituvchi-murabbiylari hamrohligida tashrif buyurishdi. Mazkur tashrif davomida talabalar xorijiy va mahalliy nashriyotlarning yangi va nodir nashrlari, kitoblari, jurnallari bilan yaqindan tanishdilar, kalligrafiya, Samarqand qog‘ozini tayyorlash, hattotlik va ebru san’ati jarayonini katta qiziqish bilan kuzatdilar.
ToshDSHIning Mumtoz filologiyasi kafedrasi professori Q.Sodiqov muallifligidagi adib Ahmad Yugnakiyning “Hibatu-l-haqoyiq” Qosimjon Sodiqov transkripsiyasi, talqini va tahlilida” deb nomlangan kitob “Akademnashr” nashriyoti tomonidan ko’rgazmaga taqdim etilganligi diqqatga sazovordir!
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
