TDSHU dotsenti Koreyaning yetakchi Yonsei universitetida “Xorijlik ustozlar uchun koreys tili bo‘yicha malaka oshirish” dasturida ishtirok etmoqda
Toshkent davlat sharqshunoslik universitetining Koreyashunoslik oliy maktabi dotsenti v.b. Yusupova Gulchexra Alisherovna Koreya Respublikasining nufuzli oliygohlaridan biri bo‘lgan Yonsei universitetining taklifiga binoan 2025-yil 5–21-avgust kunlari bo‘lib o‘tadigan “Xorijlik ustozlar uchun koreys tili bo‘yicha malaka oshirish” dasturida ishtirok etmoqda.
Mazkur dastur uchun butun dunyo bo‘ylab atigi 10 nafar professor-ustozlar tanlab olingan bo‘lib, ularning orasida O‘zbekiston vakili sifatida Yusupova Gulchexra Alisherovna tanlab olindi.
Yonsei universiteti dunyoning eng yaxshi oliygohlari qatoridan joy olgan bo‘lib, QS xalqaro reytingida TOP-50 talikka kiradi.
Gulchexra Yusupova mazkur malaka oshirish dasturida Koreyashunoslik, ayniqsa, kompyuter lingvistikasi va korpus lingvistikasi sohalarida o‘z bilim va tajribalarini yanada boyitmoqda.
Ijtimoiy tarmoqlar:
