TDSHU va Xitoyning yetakchi oliy ta’lim muassasalari o‘rtasida ta’lim muloqoti o’tkazildi
2025-yil 23-aprel kuni Toshkent davlat sharqshunoslik universitetida Xitoyning yetakchi oliy ta’lim muassasalari bilan xalqaro ta’lim muloqoti bo‘lib o‘tdi. Mazkur tadbir o‘quv jarayonini optimallashtirish, strategik rivojlantirish va transformatsiya qilishga qaratildi.
Unda universitet faoliyatini modernizatsiya qilish va xalqaro hamkorlikni kengaytirish masalalari muhokama qilindi. Asosiy e’tibor ta’lim jarayonini xalqaro standartlarga moslashtirish va innovatsion yondashuvlarni joriy etishga qaratildi. Xitoy oliygohlari bilan akademik almashuv, qo‘shma dasturlar va ilmiy loyihalar yuzasidan kelishuvlarga erishildi.
Sharqshunoslik sohasida kadrlar tayyorlash bo‘yicha zamonaviy o‘quv dasturlari muhokama qilindi. Ta’lim sifatini oshirish va talabalari ko‘p bo‘lgan universitetlarni boshqarish tajribalari bilan o‘rtoqlashildi. Xorijiy investitsiyalarni jalb etish va ta’lim eksportini rivojlantirish masalalari ko‘rib chiqildi.
Tadbir doirasida ikki tomonlama aloqalarni mustahkamlash yo‘llari muhokama qilindi. Ushbu muloqot TDShU xalqaro nufuzini oshirishda muhim qadam bo‘ldi.
Ijtimoiy tarmoqlar:
