TDSHUda “Ma’rifat ulashib” loyihasi doirasida taniqli ijodkorlar bilan uchrashuv bo’lib o’tdi
#ma’rifat_ulashib_loyihasi
2024-yilning 10-dekabr kuni navbatdagi “Ma’rifat ulashib” loyihasi doirasida Toshkent davlat sharqshunoslik universitetiga taniqli ijodkorlar – Faxriddin Hayit, Farogʻat Xudoyqulova va Bobur Hamroyev tashrif buyurdi.
“Ma’rifat ulashib” loyihasi talaba-yoshlarni kitobxonlik mutolaasiga jalb qilish, badiiy tafakkurini o’stirish orqali ularni vatanparvarlik va yurtimiz kelajagiga daxldorlik ruhida tarbiyalashga qaratilgan.
Ushbu uchrashuv talaba-yoshlar uchun ma’naviy boylik va ijodiy ilhom manbai bo‘ldi.
Ijodkorlar talabalarga yozuvchilik san’ati, badiiy asar yaratish jarayoni haqida qimmatli ma’lumotlar ulashib, o’z she’riy namunalaridan o’qib berdilar. Tadbirda universitetning ijodkor talabalari ham she’riy mashqlari va tarjimalarini bo’lishib, o’zlarini qiziqtirgan savollariga taniqli ijodkorlardan javob oldilar.
Shuningdek, mehmonlar talabalarga kitobxonlikni oshirish va ijodiy loyihalarda ishtirok etish orqali bilim va ma’naviyatni mustahkamlash zarurligini ta’kidladi.
Uchrashuv davomida universitet hovlisiga “Yashil makon” dasturi doirasida daraxt ko‘chatlari ham ekildi.
TDSHU saytidagi ma'lumotlardan foydalanilganda, manbaga havola qilish majburiy.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
