TDSHUda O‘zbekiston-Ozarbayjon adabiy aloqalar va hamkorlik istiqbollari mavzusida xalqaro ilmiy-amaliy konferensiya o‘tkazildi
2025-yil 10-oktyabr kuni Toshkent davlat sharqshunoslik universitetida O‘zbekiston Respublikasi Oliy ta’lim, fan va innovatsiyalar vazirligi, O‘zbekiston Yozuvchilar uyushmasi bilan hamkorlikda “O‘zbekiston-Ozarbayjon adabiy aloqalar va hamkorlik istiqbollari” mavzusida xalqaro ilmiy-amaliy konferensiya o‘tkazildi. Mazkur nufuzli ilmiy anjuman O‘zbekiston-Ozarbayjon adabiy aloqalari va hamkorliginining yangi bosqichga olib chiqishni maqsad qildi.
Konferensiyaning maqsadi O‘zbekiston va Ozarbayjon xalqlari uzoq tarixiy, madaniy va til jihatidan mushtarak ildizlarini hamda hozirgi kundagi adabiyot, san’at, tarjima, matbuot va madaniy almashinuvni chuqur tahlil qilish, yangi ilmiy tadqiqot natijalarini muhokama qilish, shuningdek, kelgusidagi hamkorlik yo‘nalishlarini belgilab olishdan iborat.
Konferensiya fanlararo xususiyati keng ilmiy izlanishlar uchun yo‘l ochadi. Til, adabiyot, xalq og‘zaki ijodi, etnografiya, san’at, madaniyatshunoslik va zamonaviy tahlil texnologiyalari o‘tmish va hozirgi zamonni turli fanlar muloqoti orqali ko‘rish imkoniyatini yaratadi. Ana shunday muloqotlarda madaniy va adabiy aloqalar uchun yangi g‘oyalar tug‘iladi, akademik hamkorliklar mustahkamlanadi va madaniyatlar o‘rtasida ko‘priklar qurildi.
Konferensiyada Toshkent davlat sharqshunoslik universiteti rektori, professor Gulchehra Rixsiyeva, O‘zbekiston Yozuvchilar uyushmasi raisi o‘rinbosari Minhojiddin Mirzo, O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi raisi Bekzod Shukurov, O‘zbekiston-Ozarbayjon Do‘stlik jamiyatining raisi Erkin Nuriddinov hamda Ozarbayjondan yetakchi olimlar va nufuzli ilmiy markazlar vakillari ishtirok etdilar.
Dastur doirasida quyidagi asosiy yo‘nalishlar bo‘yicha sessiyalar tashkil etildi:
- O‘zbekiston – Ozarbayjon adabiy aloqalarining tarixiy ildizlari va bugungi holati
- O‘zbek va Ozarbayjon tillarining taraqqiyoti, og‘zaki ijod va folklor doirasidagi mushtaraklik
- O‘zbekiston va Ozarbayjon madaniy–adabiy hamkorligida san’at, etnografiya va falsafiy merosning o‘rni
- O‘zbek–Ozarbayjon tarjimashunosligi: nazariy qarashlar, amaliy tajribalar
Anjuman davomida O‘zbekiston-Ozarbayjon adabiy va madaniy aloqalari tarixi, davlatlararo hamkorlikning tarixi va bugungi kuni, O‘zbek va Ozarbayjon tillarida tarjimashunoslik muammolari va yechimlari, turkiy til hamda madaniyatlar mushtarakligiga oid ilmiy nutqlar tinglandi.
Konferensiya gibrid formatda o‘tkazildi: ishtirokchilar Toshkent davlat sharqshunoslik universitetining majlislar zalida an’anaviy tarzda qatnashishi yoki masofaviy tarzda Zoom platformasi orqali bo’lib o’tdi.
Ijtimoiy tarmoqlar:
