TDSHUda “Poliglotlik va liderlik asoslari” mavzusida motivatsion suhbat bo‘lib o‘tdi
Bugun TDSHUda Markaziy saylov komissiyasi raisi maslahatchisi, universitet bitiruvchisi Alimbayev Murodilla ishtirokida “Poliglotlik va liderlik asoslari” mavzusida motivatsion suhbat bo‘lib o‘tdi.
Univesitet Ilmiy ishlar va innovatsiyalar bo‘yicha prorektori Durbek Sayfullayev hamda Turkshunoslik fakulteti dekani Jumali Shabanov Murodilla Alimbayevning tinib-tinchimas xislati haqida talabalarga so‘zlab berishdi.
Muloqot asosan savol-javob ustiga qurildi. M. Alimbayev talabalarning savoliga javob berar ekan, ularni hech qachon faollikni yo‘qotmaslikka, hamisha hayotda oldinga intilib yashash kerakligini uqtirdi.
Suhbat davomida universitet bitiruvchisi Murodilla Alimbayev til o‘rganish va liderlik qobiliyati to‘g‘risida talabalarni qiziqtirgan savollarga javob berdi.
Shuningdek, suhbatda liderlik qobiliyatining zakovat musobaqalaridagi ahamiyati, jamoani ishontira olish va yetaklay olishi g‘alabaga asos bo’lishi haqida o’z tajribasi bilan o’rtoqlashdi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
