TDSHUda “Referendum va yoshlar” mavzuida targ‘ibot tadbiri o‘tkazildi
2023 yil 7 aprel sanasida TDShUda talabalar va professor-o‘qituvchilarning tashabbusi bilan “Referendum va yoshlar” mavzuida targ‘ibot tadbiri o‘tkazildi.
Mazkur tadbirni TDSHU rektori Gulchehra Rixsiyeva o‘z kirish so‘zi bilan ochib berib, yangi tahrirdagi Konstitutsiyaga kiritilayotgan asosiy o‘zgartirishlarning mazmun mohiyati va ahamiyati haqida gipirib o‘tdi.
Tadbirda shuningdek, O‘zbekiston xalq yozuvchisi Muhammad Ali, O‘zbekiston xalq artisti Tesha Mo‘minov, Turkshunoslik fakulteti dekani dotsent Jumali Shabanov, Universitet iqtidorli talabasi Komiljon Suyarov, Taekvondo sport turi bo‘yicha ko‘p karra O‘zbekiston va xalqaro musobaqalar g‘olibi Lyudmila Popova ham spiker sifatida so‘zga chiqib, yig‘ilganlarga yangi tahrirdagi Konstitutsiyaga kiritilayotgan asosiy o‘zgartirishlar haqida gapirib, yoshlarni mazkur siyosiy jarayonda faol bo‘lishlikka, o‘z millati va mamlakati rivojiga befarq bo‘lmaslikka chaqirdilar.
Tadbir xursandchilik va ko‘tarinki ruhda o‘tib, TDSHU talabalari ijrosida Vatan madhiga bag‘ishlangan sheʼrlar, shuningdek El ardog‘idagi xonanda, “Do‘stlik” ordeni sohibi Akbar Atamuhammedov hamda TDSHU “Sanduvoch” ansambli tomonidan ijro etilgan kuy-qo‘shiqlarga ulanib ketdi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
