TDSHUda “Speak to Inspire: A System for Clear, Confident Public Speaking” mavzusida mahorat darsi bo‘lib o‘tdi
2026-yil 30-yanvar kuni Toshkent davlat sharqshunoslik universitetida mashhur blogger, xalqaro miqyosda tanilgan o‘qituvchilar tayyorlovchi trener, professor Christopher Korten ishtirokida “Speak to Inspire: A System for Clear, Confident Public Speaking” mavzusida mahorat darsi bo‘lib o‘tdi.
Mazkur tadbir omma oldida samarali va ishonchli nutq so‘zlash ko‘nikmalarini rivojlantirish, auditoriya bilan muloqotni mustahkamlash hamda notiqlik madaniyatini yuksaltirishga qaratildi. Mahorat darsi davomida professor Christopher Korten o‘zining xalqaro tajribasiga tayangan holda ochiq va ravon nutq qurish, tinglovchilar e’tiborini jalb etish, nutqdagi ishonchlilik va ta’sirchanlikni oshirish bo‘yicha muhim nazariy va amaliy tavsiyalarni taqdim etdi.
Tadbir interaktiv formatda o‘tkazilib, ishtirokchilar faol qatnashdilar, mavzu yuzasidan o‘zlarini qiziqtirgan savollarga atroflicha javoblar oldilar. Mahorat darsi talabalar hamda professor-o‘qituvchilar uchun notiqlik mahoratini rivojlantirishda muhim ahamiyat kasb etdi.
Ijtimoiy tarmoqlar:
