TDSHUda “Talabalar o‘rtasida huquqbuzarliklarni barvaqt oldini olish” mavzusida davra suhbati bo’lib o‘tdi
O‘zbekistonda dunyoni yangicha idrok etayotgan, bobolar merosi va umumbashariy qadriyatlar hamda kashfiyotlarni teng o‘zlashtirayotgan yoshlarning zamonaviy avlodi ulg‘aymoqda. Ular o‘rtasida turli yo‘nalishdagi jinoyatlar va huquqbuzarliklarning profilaktikasi bo‘yicha tizmli ishlarni tashkil etish bugunning muhim vazifalaridan biriga aylanmoqda.
2024-yil 25-oktabr kuni Toshkent davlat sharqshunoslik universitetida Ichki ishlar vazirligi akademiyasi magistratura tinglovchisi, podpolkovnik Ergashev Olimxon Alisherovich, universitet inspektori Muazzam Jo‘rayeva hamda fakultet dekanlari, dekan muovinlari, tyutorlar va talabalari bilan “Talabalar o‘rtasida huquqbuzarliklarni barvaqt oldini olish” mavzusida davra suhbati tashkil etildi.
Suhbatda podpolkovnik Ergashev Olimxon talabalarga huquqbuzarliklarni oldini olish va uning barvaqt profilaktikasiga ko‘maklashish, giyohvandlik, dini aqidaparastlik, terrorizm va uning ayanchli oqibatlari haqida so‘zlab o‘tdi. Talabalar o‘zlarini qiziqtirgan savollarga batafsil javob oldilar va mavzu yuzasidan o‘z fikrlarini bildirishdi.
Tadbir davomida talaba-yoshlarning ogohlik va hushyorlikka da’vat etuvchi videoroliklar namoyish etildi.
Davra suhbati yakunida universitet rahbariyati, professor-o‘qituvchilari va mas’ullar Ichki ishlar organlari bilan hamkorlikda talabalar o‘rtasida huquqbuzarliklarning profilaktikasiga doimiy e’tibor qaratishi kerakligi alohida ta’kidlandi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
