TDSHUga Podshoh Salmon xalqaro arab tili akademiyasi delegatsiyasi tashrif buyurdi
2023-yil 27- noyabr sanasida Toshkent davlat sharqshunoslik universitetiga Saudiya Arabistonining Podshoh Salmon xalqaro arab tili akademiyasi Bosh kotibi o‘rinbosari Professor Ibrahim Abanamee rahbarligidagi delegatsiya tashrif buyurdi.
Mazkur tashrif doirasida TDSHUda Podshoh Salmon xalqaro arab tili akademiyasi bilan hamkorlikda universitet arabshunos mutaxassislari hamda tadqiqotchilari uchun tashkil etilgan arab tilidan bir haftalik intensiv malaka oshirish kurslariga start berildi.
Joriy yilning iyun oyida Saudiyalik mutaxassislar bilan hamkorlikda TDSHU bazasida ilk marotaba arab tili bo‘yicha malaka oshirish kurslari tashkil etildi | TDSHU – Toshkent davlat sharqshunoslik universiteti (tsuos.uz) TDSHU bazasida Podshoh Salmon xalqaro arab tili akademiyasi bilan hamkorlikda universitet o‘qituvchilari uchun malaka oshirish kursi tashkil etilgan edi. Malaka oshirish kurslarining navbatdagi – arab tilida ilmiy tadqiqot olib borish ko‘nikmalarini rivojlantirishga qaratilgan bosqichi 27- noyabrdan 1- dekabrga qadar davom etadi.
Kurs yakunida, malaka oshirgan tinglovchilarning bilimlari tegishli tartibda baholanadi hamda ularga xalqaro sertifikat taqdim etiladi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
