ToshDSHI Tarix va falsafa fakultetida sportning mini futbol turi bo’yicha Dekan kubogi-2019
O‘zbekiston Respublikasi Prezidenti Shavkat Mirziyoev ilgari surgan ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha 5 ta muhim tashabbusning 2-tashabbusi yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish bo’yicha hamda O’zbekiston Respublikasi Konstitutsiyasi qabul qilinganligining 27 yilligi munosabati bilan Tarix va falsafa fakultetida sportning mini futbol turidan “Sog‘ tanda – sog‘lom aql” shiori ostida Dekan kubogi 2019 musobaqasi o‘tkazildi.
Fakultet talabalaridan iborat jami 10 ta jamoa ikki guruhga ajralgan holda musobaqa g’olibligi uchun kurash olib borishdi.
| A GURUHI | B GURUHI |
| VOSTOCHNIY SPARTAK | VOSTOK |
| LEGION | FALSAFA 1 |
| ALPOMISH | MILLIARD |
| EVEREST | FELIX TEM |
| NATIONAL | MANCHESTER UNITED |
Musobaqani Tarix va falsafa fakulteti dekani Z.M.Qodirov ochib berdi va barcha ishtirokchilarga omad tilab, ishtirokchilarni bir-biriga hurmatda bo‘lishga chaqirdi. Keskin kurashlarga boy o‘tgan musobaqa yakunida faxrli 3-o‘rinni Markaziy Osiyo xalqlari tarixi va manbashunosligi yo’nalishi 2-kurs talabalarining “National” va Sharq mamlakatlari tarixi va hozirgi zamon muammolari yo’nalishi 1-kurs talabalarining “Felix team” jamoalari qo‘lga kiritdi.
Faxrli 2-o‘rin sohibi “Manchester united” jamoasi, 1- o‘rin sohibi esa Sharq mamlakatlari tarixi va hozirgi zamon muammolari yo’nalishi 1-kurs talabalarinig “Vostochniy spartak” jamoasi bo’ldi.
“Eng yaxshi to‘purar” nominatsiyasida “Milliard” jamoasi a’zosi MOXT yo‘nalishi 1-kurs talabasi Rahmonqulov Jasur Mansur o‘g‘li 13 ta gol bilan g’olib bo’ldi.
“Eng yaxshi darvozabon” nominatsiyasida “National jamoasi” vakili MOXT yo‘nalishi 2-kurs talabasi Norqobilov Jahongir Shabonovich g’oliblikni qo’lga kiritdi.
“Eng yaxshi o‘yinchi” nominatsiyasida “Vostochniy spartak” jamoasi a’zosi ShMT yo‘nalishi 1-kurs talabasi Xoliqulov Sunnat Valijon o‘g‘li g’olib deb topildi.
Musobaqa go‘liblari Tarix va falsafa fakulteti dekani Z.M.Qodirov, fakulteti dekan muovinlari va kafedra mudirlari tomonidan taqdirlandi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
