Xorijiy delegatsiyalar
TOSHKENT DAVLAT SHARQSHUNOSLIK UNIVERSITETI MAYDONIDA – XALQARO DO‘STLIK, ILM-FAN VA HAMKORLIK UCHRASHUVLARI
Xorijiy tashriflar va xalqaro hamkorlik. Toshkent davlat sharqshunoslik universiteti (TDShU) O‘zbekiston Respublikasining xalqaro akademik maydonidagi yetakchi oliy ta’lim muassasalaridan biri sifatida doimiy va barqaror rivojlanayotgan xalqaro hamkorlik siyosatini faol olib boradi. Universitet Sharqshunoslik ilmiy maktabining boy tarixiy an’analari, zamonaviy ilmiy yondashuvlari, yuqori sifatli ta’lim standartlari hamda xalqaro akkreditatsiya talablariga moslashtirilgan ta’lim tizimi orqali nafaqat mintaqaviy, balki global akademik hamjamiyatda ham obro‘-e’tiborga ega.
TDSHU o‘zining xalqaro aloqalar tizimini muntazam kengaytirib va kuchaytirib bormoqda. Universitetga Buyuk Britaniya, Vengriya, Slovakiya, Yaponiya, Xitoy Xalq Respublikasi, Koreya Respublikasi, Turkiya, Misr, Hindiston, Pokiston, Qozog‘iston, Eron, Rossiya Federatsiyasi, Malayziya, Vetnam kabi ko‘plab davlatlarning davlat mulozimlari, elchixonalari, konsullik vakolatxonalari, nufuzli oliy ta’lim muassasalari va ilmiy-tadqiqot markazlaridan vakillar doimiy rasmiy tashriflarni amalga oshirib kelishadi. Bu tashriflar universitetning xalqaro akademik maydondagi o‘rnining mustahkamlanishi va yangi imkoniyatlar ochilishiga xizmat qiladi.
Xalqaro hamkorlik yo‘nalishlari va maqsadlari. Universitetning xalqaro tashriflar doirasidagi asosiy maqsadlari quyidagilardan iborat:
- Xalqaro hamkorlikni yanada mustahkamlash va kengaytirish;
- Qo‘shma ta’lim dasturlarini yaratish va amalga oshirish, ikki yoki undan ortiq diplomli ta’lim modelini rivojlantirish;
- Professor-o‘qituvchilar va talabalar almashinuv tizimini kengaytirish, shuningdek, akademik mobillik imkoniyatlarini doimiy ravishda oshirish;
- Xalqaro grantlar, ilmiy-tadqiqot va innovatsion loyihalarda faol ishtirok etish hamda hamkorlikni rivojlantirish;
- Madaniy-gumanitar hamkorlikni chuqurlashtirish, madaniyatlararo muloqotni faollashtirish va ilmiy muloqotlarni ko‘paytirish;
- Xalqaro ilmiy konferensiyalar, seminarlar, davra suhbatlari va treninglarni tashkil etish orqali ilmiy fikr almashishni kengaytirish;
- Universitetning xalqaro miqyosdagi obro‘-e’tiborini oshirishga qaratilgan kompleks tadbirlar rejasini amalga oshirish.
Tashriflar doirasida o‘tkaziladigan tadbirlar. TDSHU xorijiy mehmonlar bilan doimiy ravishda ilmiy va madaniy almashinuvga tayyor ekanligini amaliy jihatdan namoyon etib kelmoqda. Tashriflar davomida mehmonlar uchun quyidagi tadbirlar tashkil etiladi:
- Xalqaro ilmiy-amaliy konferensiyalar, seminarlar va davra suhbatlari: xorijiy hamkorlar bilan hamkorlikda xalqaro miqyosdagi ilmiy tadbirlar o‘tkaziladi va unda ilg‘or ilmiy g‘oyalar va tajribalar almashiladi.
- Talabalar bilan ochiq uchrashuvlar va ma’ruzalar: xorijiy mehmonlar tomonidan talabalarga zamonaviy ta’lim tendensiyalari, xalqaro diplomatiya, tillar, madaniyatlararo muloqot bo‘yicha interaktiv darslar va ma’ruzalar o‘tkaziladi.
- Universitet infratuzilmasi bilan tanishtirish: mehmonlar uchun universitet muzeyi, kutubxonasi, til laboratoriyalari, multimedia auditoriyalari, madaniyat markazlari va ilmiy bo‘limlarga ekskursiyalar uyushtiriladi.
Akademik mobillik va ilmiy hamkorlik. Toshkent davlat sharqshunoslik universiteti akademik mobillik dasturlarini doimiy rivojlantiradi va kengaytiradi. Bu doirada professor-o‘qituvchilar va talabalar muntazam ravishda xorijiy oliy ta’lim muassasalari va ilmiy markazlarda malaka oshiradi, ilmiy seminar va konferensiyalarda ishtirok etadi hamda qo‘shma ilmiy loyihalar ustida ishlaydi. Akademik mobillik universitetning global ilmiy hamjamiyatdagi faol ishtirokini ta’minlab, zamonaviy ilm-fan va ta’lim talablariga javob beradigan yangi bilim va ko‘nikmalarni shakllantiradi.
Universitet ko‘plab mamlakatlarning ilg‘or oliy ta’lim muassasalari bilan hamkorlik qiladi, jumladan Koreya Respublikasi, Xitoy Xalq Respublikasi, Yaponiya, Turkiya kabi davlatlar bilan qo‘shma ilmiy markazlar tashkil etgan. Ushbu qo‘shma dasturlar orqali talabalar keng qamrovli va sifatli ta’lim olishi kafolatlanadi. Bu esa ularning xalqaro bozor talablariga mos kadrlar sifatida shakllanishiga xizmat qiladi.
Universitetning global akademik hamjamiyatdagi roli. TDSHU nafaqat mintaqaviy, balki global miqyosda ham sharqshunoslik, tillar, madaniyatlararo muloqot, siyosatshunoslik va xalqaro munosabatlar sohalarida yetakchi markazlardan biri sifatida tan olinadi. Universitet o‘zining xalqaro tashriflari va hamkorlik dasturlari orqali butun dunyo olimlari, ekspertlari va talabalarini yangi ilmiy g‘oyalar, metodologiyalar va innovatsiyalar bilan tanishtirib boradi.
Universitetga amalga oshirilgan xalqaro tashriflar va hamkorliklar nafaqat akademik sohada, balki madaniy-gumanitar aloqalarni mustahkamlashda ham muhim ahamiyat kasb etadi. Bu esa O‘zbekiston Respublikasining xalqaro maydondagi obro‘-e’tiborini oshirishga, mamlakatimiz ta’lim tizimining sifat va raqobatbardoshligini kuchaytirishga xizmat qiladi.
Ijtimoiy tarmoqlar:
