Xalqaro ekspertlar ishtirokida vebinarlar xaftaligi bo‘lib o‘tdi.
2020-yil 29-iyun – 2 iyul kunlari TDSHU Sharq filologiya va tarjimashunoslik fakulteti Arab filologiyasi kafedrasi mudiri prof. Shomusarov Sh. va ushbu kafedra o‘qituvchisi Umarova N.I. tashabbusi bilan “Pandemiya sharoitida arab tilini o‘qitish masalalari” mavzusidagi xalqaro ekspertlar ishtiroqida vebinar xaftaligi bo‘lib o‘tdi.
Mazkur loyihani amalga oshirish uchun Misr, Iroq, Amerika, Rossiya, Armaniston davlatlaridan yetakchi oliygohlaridan arabshunoslar taklif qilindi. Misr Arab Respublikasi yirik oliy ta’lim muassasalaridan biri Qohira universitetidan Oliy ilmiy-pedagogika tadqiqotlar fakulteti dekani professor doktor Iman Xaridi va Arab tilida gaplashmaydiganlar uchun Xalqaro til o‘qitish markazi yetakchi mutaxassisi doktor Mustafo Orabiy arab tilini masofaviy elektron o‘qitishning eng so‘nggi yutuqlari haqida qimmatli ma’lumotlar va yangi ped. texnologiyalari bo‘yicha tajriba almashdilar. Iroq davlatidan Bag‘dod universiteti professori doktor Javad al-Baydoniy pandemiya paytida tilni on-line o‘qitish masalalariga to‘xtaldi, o‘z OTMda bu sohadagi yutuqlar bilan o‘rtoqlashdi. Rossiya Federatsiyasidan TDSHU hamkor bo‘lgan Qozon federal universitetidan asli Yamanlik, hozirgi kunda KFU dars berayotgan professor Muhammad al-Ammariy arab tilini o‘qitishda va talabalarda so‘zlashuv rivojlantirishda arab halqlari madaniyatini axamiyatligi mavzusida tavsiyalarini berdi. Qozon federal universiteti yetakchi dotsenti Syumbel Sabitova arab tilida o‘qitishda infografikadan foydalanish uslublarini namoyish etdi. Moskvadagi Oliy iqtisodiy maktab dotsenti Larisa Chuprigina diplomat-tarjimon-arabshunos mutaxassislarni tayyorlash bo‘yicha yutuq va muammolarga to‘xtaldi. Yerevan (Armaniston) davlat universitetidan doktor Setrak Xofsepyan yurtlarida karantin sharoitida masofaviy o‘qitish onlayn platformalar imkoniyatlaridan foydalanish bo‘yicha tajriba almashdi. AQSh davlatidan Nyu-Meksika universiteti dotsenti Emma Trentli arab tili o‘qitishda amerikadagi yo‘nalishlar haqida ma’lumot berdi. Xalqaro ekspert-mutaxassislar o‘zlarining universitetlarida arab tili o‘qitishning yangi yo‘nalishlari, yangi uslublarini namoyish etishdi. Vebinar xaftaligi yakunida Toshkent davlat sharqshunoslik universiteti professori Shorustam Shomusarov Arab tilini o‘qitishda yangi yo‘nalish tajribasini almashdi.
Ushbu Zoom platformasida tashkil etilgan xalqaro ekspertlar ishtirokidagi vebinarlarda TDSHU professor-o‘qituvchilar, doktorant, magistr va talabalar bilan bir qotarda O‘zbekistondagi arab tili o‘qitiladigan OTMlardan arabshunos-mutaxassislar ham ishtirok etishdi. Shuningdek xalqaro vebinarlarga taklif etilgan mutaxassislardan tashqari Marokko, Ozarbayjon, BAA, Ummon sultonligi kabi davlatlardan ham arabshunoslar mehmon sifatida qatnashdilar va tashkil etilgan vebinarlar haqida samimiy fikr bildirdilar. Ekspertlarning jug‘rofiy joylashuvi juda keng bo‘lib ushbu onlayn uchrashuvlar juda foydali, kerakli ma’lumotlar oladigan maydon bo‘ldi. Vebinarlar haftaligi oxirgi kuni ishtirokchilar tomonidan tashkilotchilarga minnatdorchilik bildirib, bunday vebinarlarni TDSHU tomonidan doimiy tashkil etishga kelishib olindi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
