“Rektorga savolim bor”
Rektor va talabalar uchrashuvi bo’lib o’tdi. Uchrashuvda TDSHU rektori G.SH.Rixsiyeva va universitetning barcha bosqichdagi guruh sardorlari hamda iqtidorli talabalari qatnashdilar.
“Rektorga savolim bor” mavzusida o’tkazilgan ochiq muloqot davomida talabalar savollar berish bilan birga, o’z takliflari, fikr va mulohazalarini bildirdilar. Talabalar tomonidan eng ko’p takliflar universitetning Yoshlar ittifoqi boshlang’ich tashkiloti faoliyatiga doir bo’ldi. Talabalar tomonidan bildirilgan universitetda kitob yarmarkalarini tez-tez tashkil etish taklifi G.SH.Rixsiyeva tomonidan ma’qullandi.
Ko’plab savol-javoblarga boy bo’lgan uchrashuvda universitet rektori talabalarning takliflari, fikr va mulohazalarini inobatga olib, ularni amalga oshirishda ko’maklashishini aytdi. Ayrim fikrlarga universitet rektori tomonidan tushuntirishlar berildi.
Universitet rahbariyati talabalar sifatli bilim olishlari uchun doimo harakatda ekanliklarini ma’lum qilib, bu kabi ochiq muloqotlarni tez-tez tashkil etish, yoshlarning xohish va istaklarini inobatga olib, ularni amalga oshirish asosiy maqsadlaridan biri ekanligini aytdi.
“Kelajagimiz umidi bo’lgan aziz yoshlar, qadrli talabalar! Sizdan umidimiz katta. Sizlar shu universitetning yuzisiz. Shu sabab har tomonlama yetuk va mukammal inson bo’lishingizni istaymiz. Buning uchun faqat bilim kifoya emas. Yuksalishingizda aql-u zakovat bilan birga sizning odob axloqingiz, ma’naviyatingiz va madaniyatingiz ham alohida o’rin tutadi. Bularga amal qilsangiz kelajkkka qo’ygan maqsadingizga albatta erishasiz”- deya yoshlarni ma’naviy barkamollikka chorlagan holda yig’lishni yakunladi univesitet rektori G. SH. Rixsiyeva.
Universitet matbuot xizmati
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
