Eronning Fors tili va adabiyoti akademiyasi raisining o‘rinbosari Muhammad Rizo Nosiriy TDSHUga tashrif buyurdi.
Bugun Eronning Fors tili va adabiyoti akademiyasi raisining o‘rinbosari Muhammad Rizo Nosiriy hamkorlik aloqalarini yo‘lga qo‘yish masalalarini muhokama qilish uchun Toshkent davlat sharqshunoslik universitetiga tashrif buyurdi.
Uchrashuvda TDSHU rahbariyati mehmonni universitet faoliyati, ilm-fan sohasida, shu jumladan, fors tili va eronshunoslikni rivojlantirish borasida amalga oshirilayotgan ishlar bilan tanishtirdi. Shu bilan birga, Eronning O‘zbekistondagi elchixonasi va Eronning hamkor oliy ta’lim muassasalari hamda tashkilotlari bilan so‘nggi yillarda yo‘lga qo‘yilgan yaqin hamkorlik bo‘yicha ma’lumot berildi.
Qolaversa, 2022-yilda akademiya tomonidan Alisher Navoiy ijodiga bag‘ishlangan xalqaro konferensiya o‘tkazilishi belgilangani, ushbu tadbirda TDSHU hamkor sifatida, olimlari esa ma’ruzachilar qatoridan o‘rin olishi xususida kelishib olindi. Mehmonga joriy yil TDSHUda bir qator xorijiy hamkorlar, shu jumladan, Eronning Alloma Tabotaboiy universiteti bilan Alisher Navoiy ijodiga bag‘ishlanib o‘tkazilgan xalqaro konferensiya to‘g‘risida ma’lumot berildi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
