TDSHU tomonidan onlayn ma’ruzalar
2022-yil 18-noyabrdan 26-noyabrgacha Novosibirsk Davlat (Rossiya) gumanitar institutida filologiya fanlari doktori, Toshkent davlat sharqshunoslik universiteti professori Kim Natalya Dek-xenovnaning onlayn ma’ruzalari bo‘lib o‘tdi. Ma’ruzalar kursi koreys va koreys tilshunosligining dolzarb masalalari bo‘yicha turli mavzularni qamrab oladi: “Til vaziyati. Markaziy Osiyo mamlakatlarida koreys tilini o‘rganilishi (O‘zbekistonda til o‘rganilishi misolida), “Tillarning yo‘q bo‘lib ketishi muammolari. Goryeo mal (O‘zbekiston koreyslarining shevasi)”, “Oliy o‘quv yurtlarida koreys tili va lingvistik tadqiqotlar”, “Zamonaviy koreys tilshunosligi”, “Koreys tili va yoshlar. Yosh olimlar Forumi” va boshqalar. MDH mamlakatlarida, xususan, O‘zbekistonda zamonaviy koreys tilini o‘rganish jadal rivojlanmoqda. O‘sib borayotgan qiziqish nafaqat ikki mamlakatning iqtisodiy rivojlanishi va hamkorligi, balki O‘zbekistonning turli mintaqalarida koreys diasporasining ixcham yashashi bilan ham bog‘liq. O‘qish turli darajalarda olib boriladi: umumta’lim maktabining boshlang‘ich sinflaridan fakultativ darslarda oliy o‘quv yurtlariga mutaxassislik sifatida. Onlayn ma’ruza tinglovchilari talabalar, magistrantlar, tadqiqotchilar va ikkala universitetning professor-o‘qituvchilari.
Bundan tashqari, Novosibirsk davlat universiteti talabalari koreys tilini o‘rganish bo‘yicha fikr bildirishdi, onlayn ma’ruzalar taassurotlari: “Men forum haqidagi videoni tomosha qildim, juda ilhomlantirdi! Menga ayniqsa maqsadingiz ilm-fanni talabalar o‘rtasida rivojlantirish va ommalashtirish ekani yoqdi. Bilishimcha, ko‘pchilik yoshlar ilm bilan shug‘ullanishga qarshi emas, lekin unga qanday yondashishni bilmaydi. Siz bunday tadbirlarni tashkil etayotganingiz va talabalarga o‘z xohish-istaklarini ro‘yobga chiqarishga yordam berganingiz juda yaxshi deb hisoblaymiz. Ma’ruzalar uchun yana bir bor rahmat! Boshqa davlatda koreys tilini o‘rganish tajribasi haqida eshitish ham biz uchun juda yoqimli bo‘ldi!” (S. Vladimirova, NDU, 3-kurs), NDU talabalari NDU va O‘zbekiston universitetlari o‘rtasida talabalar almashinuvi, stajirovka va hokazolar doirasida yaqin hamkorlik qilish istagini bildirdi.
Rejalashtirilgan barcha ma’ruzalar bo‘yicha fikrlarning barchasi ijobiy bo‘ldi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
